Ինչպես արդեն տեղեկացրել ենք, համացանցում հայտնվել են լուսանկարներ, որոնցում պատկերված է ռեփեր Սուպեր Սաքոն՝ մի ձեռքում հրաձիգ, իսկ մյուս ձեռքով  մերկ աղջիկ է քարշ տալիս՝ բռնած նրա մազերից, և այս ամենը՝ Լոռվա մարզում գտնվող Հաղպատի հանրահայտ վանական համալիրի համապատկերին։ Լուսանկարները բավական խիստ քննադատությունների առարկա են դարձել։ Դրանց հեղինակը հայտնի լուսանկարիչ Արվին Քոչարյանն է։

«7օր»–ը փորձել է նրանից պարզել, թե ո՞րն է այս նկարի իմաստը, ու ինչպե՞ս է ինքը վերաբերվում քննադատություններին։

Մեզ հետ զրույցում նա նշել է, թե լուսանկարն արվել է 2 տարի առաջ, և մտահղացման հեղինակն էլ ինքը չէ։

–Ե՛վ մտահղացումը, և՛ կազմակերպչական ամբողջ  գործընթացը եղել է հենց Սարգիս Բալասանյանինը՝ Սուպեր Սքոյինը։ Ալբոմը կոչվում «Lie, betray, revenge», և եթե հայերեն թարգմանվի,  պարզ կլինի, թե ինչու  է նկարն այդպիսին (թարգմանաբար «Lie, betray, revenge»–ը նշանակում է «Սուտ, դավաճանություն, վրեժխնդրություն»)։ Նկարն արվել է սպիտակ  ֆոնում, հետո իր ուզած ձևը ֆոնի վրա ավելացվել է, և դա եղել  է դրսի շուկայի համար՝ ո՛չ իմ ճաշակով։ Եվ եթե մարդիկ կարծում են, որ  դա իմ ճաշակն է, ապա  ասեմ, որ այդպես չէ՝ իմ ճաշակը չէ, կարող են հետևել և տեսնել, թե իմ աշխատանքներն ինչպիսին են,–նշել է նա։

Արվին Քոչարյանը հավելել է, թե ինքն ընդամենը պատվեր կատարողն է եղել։

7or.am