ՀՀ կրթության և գիտության նախարարությունը մայիսի 16-ից հունիսի 16-ը  ընկած ժամանակահատվածում կազմակերպվել էր ոչ պետական բարձրագույն ուսումնական հաստատությունների նախորդ տարիների շրջանավարտների պետական նմուշի դիպլոմ ստանալու համար 2011 թվականի ամփոփիչ ատեստավորման քննությունները: Քննությունները կազմակերպվել են 10 բարձրագույն ուսումնական հաստատություններում /2 պետական և 8 հավատարմագրված ոչ պետական/: 31 մասնագիտությունների գծով ամփոփիչ ատեստավորման քննություններին մասնակցելու համար դիմում-հայտ է ներկայացրել 575 շրջանավարտ, որից 238-ը` չի ներկայացել քննություններին:

Քննություններին մասնակցած 66 շրջանավարտ համապատասխան մասնագիտությունների համար նախատեսված առնվազն մեկ քննական առարկայից ստացել է "անբավարար" գնահատական: Ամփոփիչ ատեստավորման քննությունները դրական գնահատականներով հանձնած 271 շրջանավարտի ոչ պետական նմուշի նախկին դիպլոմը կփոխարինվի համապատասխան մասնագիտության և որակավորման բակալավրի պետական նմուշի դիպլոմով: