Երևանի քաղաքապետի 10.05.2011 թ. N 216-Ա կարգադրությամբ ստեղծված աշխատանքային խումբը 2009-2010թթ. ֆինանսատնտեսական  գործունեության, սանիտարահիգիենիկ  պահանջների պահպանման, կրթադաստիարակչական աշխատանքների, ինչպես նաև  վարչամանկավարժական փաստաթղթերի  վիճակի ուսումնասիրության նպատակով մայիսի 18-ից հունիսի 10-ը ուսումնասիրություններ է կատարել Էրեբունի վարչական շրջանի թ. 71, Նոր Նորք վարչական շրջանի թ. 120, Շենգավիթ վարչական շրջանի թթ. 134, 143 նախադպրոցական ուսումնական հաստատություններում։ Ուսումնասիրությունների ընթացքում աշխատանքային  խմբի կողմից արձանագրված խախտումների և թերությունների  արդյունքում  վարչական  շրջանների  ղեկավարներին  հանձնարարվել է նշված նախադպրոցական ուսումնական հաստատությունների տնօրեններ Նելլի Ղազարյանին, Անահիտ Քերբյանին, Մելանյա Բարբարյանին և Մարինե Հարությունյանին հայտարարել խիստ նկատողություն։

Երևանի քաղաքապետարանի տեղեկատվության

և հասարակայնության հետ կապերի վարչություն