ՀՀՇ–ի պաշտոնական կայքից տեղեկանում ենք, որ այդ կուսակցության երիտասարդական միության նախաձեռնությամբ ՀՀՇ–ի կենտրոնական գրասենյակում տեղի է ունեցել ՀԱԿ քաղխորհրդի անդամ Դավիթ Շահնազարյանի և ՀԱԿ անդամ երիտասարդների քննարկում-հանդիպումը:

«Մենք մի խնդիր ունենք լուծելու՝ արտահերթ ընտրությունները, և մենք դրան հասնելու ենք: Այն, որ իշխանությունները չեն գնում երկխոսության, խոսում է նրանց թուլության մասին: Ասեմ, թե ինչու։ Կա մի չգրված օրենք քաղաքականության մեջ՝ ցանկացած երկխոսություն ձեռնտու է իշխանություններին. ցանկացած դեպքում ցանկացած իշխանության մեջ դա բխում է իշխանության շահերից և կարող է վտանգ լինել ընդդիմության համար: Այդ ամենը շատ լավ իմանալով՝ նրանք խուսափում են երկխոսությունից։ Դե հիմա պատկերացրեք՝ իրենց վիճակն ինչքան ծանր է: Իսկ ինչո՞ւ են խուսափում։ Որովհետև որևէ արգումենտ չունեն»,-հայտարարել է Դ. Շահնազարյանը:

7or.am