Երևանի քաղաքապետարանում քննարկվել է նախկին Շահումյանի անվան կոլտնտեսությանը պատկանած հողերի սեփականաշնորհման  խնդրի վերաբերյալ հարցը, որին ներկա են եղել ՀՀ ԱԺ «Ժառանգություն» խմբակցության ղեկավար Ստեփան Սաֆարյանը, կոլտնտեսային հողերի վարձակալ-շահառուները և քաղաքապետարանի աշխատակազմի ներկայացուցիչները:

Խնդիրը կապված է դեռևս 2008թ. հայտարարված մրցույթի արդյունքում ,Դեֆանս հաուզինգ ինվեստե ՓԲ ընկերության  կողմից  ձեռք  բերված հողատարածքին, որը   նախկինում վարձակալության հիմունքով հանձնված էր հողօգտագործողներին:

Երևանի քաղաքապետի տեղակալ Վահագն Առաքելյանը տեղեկացրեց, որ մինչ հրավիրված քննարկումը, հարցը արդեն իսկ  ուսումնասիրվել և   համապատասխան որոշման նախագիծ է պատրաստվել , որը ներկայացվել է ՀՀ կառավարության քննարկմանը:  Ըստ որոշման նախագծի, ,Դեֆանս հաուզինգ ինվեստե ՓԲԸ  հողատարածքի սահմանների վերաճշգրտման արդյունքում հնարավորություն է ստեղծվում Երևան համայնքի սեփականությունը դարձող՝ նոր հատակագծից դուրս մնացած 17,5 հա հողատարածքը , ուղղակի վաճառքի ձևով կադաստրային արժեքով օտարել առանց իրավաբանական ձևակերպումների զբաղեցրած փաստացի հողօգտագործողներին:

Տեղեկատվության և հասարակայնության հետ կապերի վարչություն