ԱԺ նիստն եմ նայում։ Առանց ճշգրիտ տնտեսական վերլուծության պաթոսական ճառեր են կարդում հանքարդյունաբերության ոլորտում հարկերն ավելացնելու մասին, պնդում, որ այդ գումարներն ուղվելու են օրինակ պաշտպանության նախարարությանը ու հենց հաջորդ նախագծով քննարկում պատգամավորների ծախսերի համար նախատեսված գումարների ավելացումը, որով տարեկան մոտ 320 միլիոն դրամ ավել գումար պետք է հատկացվի պատգամավորներին։ Հավանաբար պատերազմի ժամանակ Արցախ գնալուց գործուղում ձևակերպած ու դրա դիմաց գումար ստացած պատգամավորները համարում են, որ գրպանի փողը քիչ էր։ Այս գումարը, իհարկե, չի ներառում անթիվ պարգևավճարներն ու այլ հարյուրավոր բարձրաստիճան պաշտոնյաների ցանկը, որոնց տրվող գումարները վստահաբար ևս հետզհետե կավելացվեն։ Փաստացի պետությունը ճնշում է երկրի ամենախոշոր ձեռնարկությանը՝ բացառապես սեփական բարեկեցությունն ապահովելու համար՝ քողարկոլով այս ամենը հայրենասիրական կեղծ մոտիվներով։