Հունիսի 15–ին Եվրախորհրդարանի արտաքին հարաբերությունների հանձնաժողովում լսումներ են տեղի ունեցել՝ նվիրված Լեռնային Ղարաբաղի հակամարտության կարգավորման ներկայիս իրավիճակին։

–Յուրաքանչյուր հակամարտություն յուրահատուկ է, ղարաբաղյանը՝ այդ թվում։ Հակամարտությունը պետք է լուծվի խաղաղ ճանապարհով, միջազգային իրավունքի չափորոշիչների հիման վրա, և ԵՄ նոր ներկայացուցչի նշանակումը կնպաստի դրա կարգավորմանը,–լսումների ժամանակ հայտարարել է Հարավային Կովկասում ԵՄ նախկին հատուկ ներկայացուցիչ Փիթեր Սեմնեբին։

Նա ընդգծել է, որ ԵՄ հիմնական աջակցությունը կարող է լինել Ղարաբաղի ներգրավումը տարածաշրջանային ավելի լայն հայեցակարգում՝ Արևելեյան համագործակցությունում կամ Կովկասում։

–Լեռնային Ղարաբաղը գտնվում է տարանցիկ միջանցքներից մեկում, որը ռազմավարական բավական նշանակություն ունի, ինչից կարող են շահել բոլորը։ ԵՄ–ն կարող է այդ գործընթացի խթանող ուժը դառնալ,–ընդգծել է նա։