Պատերազմ հաղթած, պետություն կերտած Ռոբերտ Քոչարյանի կողքին կարող էին խամրել նույնիսկ ամենավառ գործիչները, դե իսկ նիկոլ փաշինյանը նրա ֆոնին ընդամենը քաղաքական թերաճ միջատ էր:

Բայց միջատ լինելով հանդերձ` նա շատ վաղուց և շատ արագ հասկացավ, թե ինչ պետք է անել, որպեսզի երկրորդ նախագահի մոտ ինքն ավելի լավը երևա: Մեթոդը մեկն էր` սևացնել Քոչարյանին, ստեղծել բոբոյի կերպար, սարսափազդու, սահմռկեցուցիչ մի երևույթ, որից կվախենային թե մեծերը, թե փոքրերը: Այդ մեթոդը շարունակաբար իրագործվեց ՏԱՍՆԱՄՅԱԿՆԵՐ շարունակ: Քոչարյանին կպեցրեցին մարտի 1-ը, հոկտեմբերի 27-ը, չորս միլիարդի կարողությունը, էլի շատ ու շատ բաներ:
Այսօր Քոչարյանին սևացնելու գործընթացը շատ ավելի ծայրահեղական ու զավեշտալի բնույթ է կրում: Պարզվում է` (ըստ նիկոլապաշտ շրջանակների) Քոչարյանն է թունավորում խմելու ջուրը, Քոչարյանն է անջատում փողոցի լուսացույցները, Քոչարյանն է տարածում կորոնավիրուսը, Քոչարյանն է հայ գերիներին իր գարաժում պահում, Քոչարյանն է ադրբեջանցի զինվորներին բերել-նստեցրել Սև լճի մոտ:

Ու հավատո՜ւմ են, հավատո՜ւմ երեխայի պես, վախենում, ընկնում մտքերի մեջ, թե բա` ոնց անենք, որ հանկարծ էդ բոբո Քոչարյանը իշխանության չգա, մեր արյունը չխմի, մեր կաշին տիկ չհանի:

Էս ժողովրդի վախը չափել է պետք, իսկ ժողովրդին այսպիսի մոլորության մեջ գցողին` պատժել:

Նարե Գրիգորյանի ֆեյսբուքյան էջից