Այս իշխանության համար արդեն դժվար է կենացներով ղեկավարել, և այն մանդատը, որ բոլորովին վերջերս ստացան նրանք, ամենածանր մանդատն է։ Այս կառավարությունը, բացի անգործությունից, մեծացրել է միայն տնտեսական պարտքը,-Yerkir.am-ի հետ զրույցում ասաց Ռեստորանների ասոցիացիայի նախագահ, գործարար Աշոտ Բարսեղյանը։

Նրա խոսքով՝ այս իշխանությունն արել է ամեն հնարավորը՝ սեփական երկրում կյանքը ավելի վատթարացնելու, այս վիճակին հասցնելու համար։

«Էն ներդրումները, որոնց մասին խոսում է այս իշխանությունը, դրանց ծիծաղելի ներդրումներ են։ Մի բնակելի շենքի կառուցումը նախարարը ներկայացնում է որպես ներդրումային ծրագիր, ինչը զավեշտալի է։ Սա նրանց վերջին մանդատն է, որը պողպատյա չէ, այլ՝ չուգունե, որը խորտակելու է այս կառավարությանը նման գործելաոճով»,-Yerkir.am-ին ասաց Աշոտ Բարսեղյանը։

Գործարարը նշեց, որ պատմությանը հայտնի չեն այսպիսի կառավարման փորձեր․ այս իշխանությունը երկիրը հասցրեց կործանման և շարունակում է այդ ծրագիրը։ և իր կարգախոսն էլ հենց այն է, ինչին ցանկանում են հասնել․ տապալել ամեն ինչ։

«Դժվար և ծանր ապագայի մասին է խոսքը։ Նրանք չեն ներկայացրել ոչ մի տնտեսական և քաղաքական ծրագիր։ «Ապագա կա» ասելով՝ նրանք նկատի ունեն ապագա առանց բանակի, առանց եկեղեցու, առանց ընտրությունների, ազգային արժանապատվության»,-նշեց գործարարը։

Այս կառավարությունը, ըստ նրա, ուզում է մերժել մեր ազգայինը և ջնջել երկրի երեսից։

«Մենք մի կառավարություն ենք, որը չի հարգում իր սեփական սահմանի գոյությունը և տարածքային ամբողջականությունը, բայց միջազգային հարթակներում խոսում է թշնամի պետության սահմանները հարգելու մասին»,-ասաց Բարսեղյանը։

Նրա խոսքով՝ այսօրվա իշխանությունը իր կարգախոսն ընտրել է՝ հստակ գիտակցելով, որ տասնյակ հազարավոր մարդիկ մնացել են անտուն, հազարավոր տղաներ զոհվել և վիրավոր են դարձել պատերազմի պատճառով, և դա ասելով՝ նկատի ունեն ավելի վատ ապագան։ Այդուհանդերձ, կապիտուլյանտ իշխանությունը մեծ ցանկություն ունի բացելու դռները և սկսելու գործակցություն թշնամու հետ։

«Արդեն հայտարարել են, որ իրենք պատրաստ են բարեկամություն և առևտուր անել, տնտեսական հարաբերություններ սկսել թշնամի պետության հետ։ «Հայաստան» դաշինքը հակադարձում է այս ամենավտանգավոր թեզին՝ արժանապատիվ խաղաղության թեզով․ հնարավոր չի գործընկերային հարաբերություն սկսել ոչ արժանապատիվ դիրքերից, հնարավոր չի արժանապատիվ կերպով չպաշտպանել սեփական երկրի շահերը և ֆիզիկական անվտանգությունը մեր սահմանի վրա և խոսել համագործակցությունից»,-Yerkir.am-ին ասաց գործարարը։

Աշոտ Բարսեղյանն ասաց, որ այսօրվա իշխանությունը, կադրային ջարդ սկսելով, ջարդում է իր մեջքը, որովհետև աշխատանքից ազատում, գործեր է կարում այնպիսի մարդկանց վրա, որոնք ոլորտի պրոֆեսիոնալ են, երբեմն՝ հիմնադիր։

Մանրամասն՝ տեսանյութում։