ԱՄՆ-ը Թուրքիային ավելացրել է մանկահասակ զինվորներ օգտագործող երկրների ցուցակում, դրանով դառնալով ՆԱՏՕ-ի անդամ առաջին երկիրը, որն ընդգրկվել է այդ ցուցակում:

Պետդեպարտամենտի Մարդկանց թրաֆիքինգ 2021 թ. զեկույցում նշվում է, որ Թուրքիան «շոշափելի աջակցություն» է ցուցաբերում Սիրիայում գտնվող «Սուլթան Մուրադ» ստորաբաժանմանը և այն խմբին, որը, ըստ Վաշինգտոնի, հավաքագրել և օգտագործել է երեխաներին որպես զինվոր, հաղորդում է Reuters- ը:

Պետդեպարտամենտի բարձրաստիճան պաշտոնյան նշել է նաև, որ Լիբիայում երեխաներ են օգտագործում՝ հայտարարելով, որ Վաշինգտոնը հույս ունի աշխատել Անկարայի հետ այդ խնդրի լուծման համար:

«Ինչ վերաբերում է մասնավորապես Թուրքիային, ապա առաջին անգամ է, որ ՆԱՏՕ-ի անդամ է ընդգրկվում ցուցակում»,-ասել է Պետդեպարտամենտի ներկայացուցիչը: «Որպես տարածաշրջանի հարգելի առաջնորդ և ՆԱՏՕ-ի անդամ՝ Թուրքիան նաև հնարավորություն ունի լուծելու այդ հարցը»,-ասել է նա:

Աղբյուրը՝ yerkir.am