Կրթությունը յուրաքանչյուր ազգի ողնաշարն է, հենարանը, մատաղ սերնդի դաստիարակության հայելին ու արտացոլանքը: Վերջին աղմկահարույց բացահայտումներից հետո, կապված Նիկոլ Փաշինյանի գրած «Երկրի հակառակ կողմը» գրքի հետ, ես իմ խորին մտահոգությունն եմ հայտնում մի պարզ պատճառով, որ տվյալ գրքում հստակ դրսևորված է պաթոլոգիական շեղումներ, անառողջ և անբարո վարքագծի դրվագներ, որոնք բացահայտ կերպով խաթարում են դպրոցահասակ երեխայի մտածելակերպը, վերջիններիս մղում անառակաբարո գործողությունների, շեղում մատաղ սերնդի դաստիարակության ու կրթությանը բնորոշ ազգային նորմատիվները: Այս ոլորտին ամենամոտ կանգնած հարգելի' մանկավարժներ, վստահ եմ, քաջատեղյակ եք թե ինչպիսի մեղմ ասած ոչ պատշաճ, սեռական բնույթի տարատեսակ անադեկվատ մտքերով է արծարծված «Երկրի հակառակ կողմը» խորագիրը կրող Նիկոլ Փաշինյանի տխրահռչակ գրվածքը: Եթե ձեզ համար թանկ է ինչպես նաև սկզբունքային է Ձեր` մանկավարժին տված երդումը մատաղ սերնդի կրթության որակի ,նրանց անձի զարգացման ճիշտ ճանապարհն ու ուղին Դուք պետք է օր առաջ բացառեք այդ գրքի տարածումն ու ընթերցումը դպրոցահասակ երեխաների շրջանում: Եթե դուք այս բացահայտումներից հետո շարունակում եք Ձեր աջակցությունը հայտնել տվյալ անձին, ապա թույլ կտամ ինձ ասել, որ այո', ծայրահեղ վտանգված են դպրոցն ու դպրոցականը, կրթությունն ու կրթական ցենզի չափորոշիչները: Ձեր լռությամբ կամ Ձեր աջակցությամբ Դուք հանցակից եք դառնում դպրոցն ու դպրոցահասակին սրբապղծելու, կրթությունը ստորադասելու ապազգային գործին:

Հովհաննես Ասոյանի ֆեյսբուքյան էջից