Լրագրողների հետ են հանդիպել ԱԺ ՀՀԿ խմբակցության պատգամավոր, ՀՀԿ խորհրդի անդամ Արտակ Զաքարյանը և ԱԺ ՀՅԴ խմբակցության պատգամավոր Արծվիկ Մինասյանը։ Անդրադառնալով «Հայկական ժամանակ» թերթին Լևոն Տեր–Պետրոսյանի տված հարցազրույցին, թե նա սպասում է անձամբ Սերժ Սարգսյանի պատասխանին, «7օր»–ը հարց է ուղղել Ա. Զաքարյանին՝ արդյոք նախագահի աշխատակազմի ղեկավար Կարեն Կարապետյանի հայտարարությունը համարո՞ւմ է պաշտոնական տեսակետ։.

–Մեր կուսակցության մամուլի քարտուղարը, տարածելով հայտարարություն, ներկայացրել է ընդհանուր դիրքորոշումը, և կուսակցության կանոնադրության համաձայն՝ կուսակցության մամուլի խոսնակը ներկայացնում է նրա պաշտոնական տեսակետը։ Նախագահի աշխատակազմի ղեկավարը կուսակցության գործադիր մարմնի ներկայացուցիչ է, ով նույնպես ներկայացրել է պաշտոնական տեսակետ,–ասել է ՀՀԿ–ական պատգամավորը։

7or.am