Ես երեկ չեմ մասնակցել Լոս Անջելեսում ադրբեջանի հյուպատոսարանի դիմաց կազմակերպված ցույցին: Եվ ունեմ դրա համար հիմնավոր պատճառներ:

Ա) Ինձ համար այս պահին գլխավոր վտանգը Երևանի կառավարական առանձնատանը նստած հողատու դավաճանն է: Վտանգն ու սպառնալիքը վերացնելու համար նախ պիտի լուծել նրա հարցը:

Բ) Դեռ նույեմբերի 10-ին՝ ստորացուցիչ պայմանագրի ստորագրումից հետո եմ հայտարարել: Թուրքին հող հանձնած իշխանություններին սատարող ցանկացած անձ ինձ համար հավասար է թուրքին: Հետևաբար անիմաստ է թուրք իշխանություններին սատարող անձի կողքին կանգնել ու հավակնել, թե կռվում ես թուրքի դեմ: Դրանք անհամատեղելի են:

Գ) Չեմ պատրաստվում կրկին մոլորվել այն մտքով թե վտանգի ու սպառնալիքի պահին պիտի համախմբվել դավաճան իշխանությունների շուրջ: Քանի՞ անգամ պիտի խաբվել նույն խաղով:

Ռոբերտ Մարգարյանի ֆեյսբուքյան էջից