Դիլետանտները, դավաճաններն ու կապիտուլյանտները պետք է դուրս շպրտվեն Հայաստանի քաղաքական դաշտից

● Կարծիք

24.04.2021 ● 21:25

Դիլետանտները, դավաճաններն ու կապիտուլյանտները պետք է դուրս շպրտվեն Հայաստանի քաղաքական դաշտից

Այս փուլում, աշխարհաքաղաքական դասավորվածությունից ելնելով, ԱՄՆ կողմից Հայոց Ցեղասպանության ճանաչումը՝ հիմնականում կարելի է ասել, սպասելի էր։ Դրա մասին խոսել ենք վերջին շրջանում։

Եթե ԱՄՆ-ը Հայոց Ցեղասպանությունը ճանաչեր, օրինակ՝ գոնե նախորդ տարի, շատ մեծ քաղաքական աջակցություն կլիներ Հայաստանին ու հայ ժողովրդին։ Թուրքիան չէր համարձակվի բացահայտ ռազմական միջամտությամբ, ագրեսիա իրականացնել Արցախի և Հայաստանի դեմ։

Հիմա, ինչպես ասում են, ուշացած ճանաչումը, զուտ բարոյական խնդիր է լուծում մեզ համար։ Այո, աշխարհի բոլոր հայերն ուրախանալու են մի քանի օր, և այս հարցը մոռացվելու է։ Հետո Թուրքիան սկսելու է սիրաշահել ԱՄՆ-ին, որպեսզի ճանաչումն այլ հետևանքներ չունենա։ Այնպես, ինչպես առ այսօր, շուրջ 100 տարի թղթի վրա է մնացել ԱՄՆ նախագահի մեծ կնիքով կնքված Սևրի հայտնի դաշնագիրը։

Տասնյակ տարիներ ի վեր ԱՄՆ-ում հայկական լոբբին և Հայաստանի իշխանությունները պայքարել են Հայոց Ցեղասպանության ճանաչման համար։ Մի քանի անգամ, նույնիսկ շատ մոտ է եղել ԱՄՆ-ի ճանաչումը։ Սակայն այդ «մահակը» նախկինում չի իջել Թուրքիայի գլխին, քանի որ քաղաքական առումով Թուրքիան պետք էր ԱՄՆ-ի գլոբալ ծրագրերին։

Այսօր, Թուրքիան շատ ավելի ինքնուրույն է դարձել։ Փորձում է չենթարկվել և որպես ՆԱՏՕ-ի անդամ պետություն, ինքնուրույն խաղալ բոլոր ֆրոնտներում։ Արդյունքում ստացավ ԱՄՆ-ի կողմից «պատիժ»՝ Հայոց Ցեղասպանության պաշտոնական ճանաչումով։

Ինչպես կզարգանան ռուս-թուրքական հարաբերությունները այլ տարածաշրջաններում առկա լարվածության ֆոնին՝ առայժմ բարդ է կանխատեսել։ Բայց Հայաստանի և հատկապես Մեղրիի միջանցքը ստանալու և Սյունիքը թրքացնելու Թուրքիայի ձգտումներն՝ առավել քան ակնհայտ են ու բացահայտ։ Դա բխում է նաև արևմուտքի շահերից։

Այդ գործընթացը կանխելու համար Հայաստանին պետք են ուժեղ ազգային իշխանություններ։ Այս հարցը խիստ ակտուալ է նաև Արցախի հետագա կարգավիճակի համար։ Հադրութի և Շուշիի վերադարձի հարցում, հատկապես հիմա՝ Թուրքիան շատ է խանգարելու։ Ուստի՝ Հայոց Ցեղասպանության ԱՄՆ կողմից պաշտոնապես ճանաչելուց հետո, հատկապես կարևորվում են Հայ-Ռուսական հարաբերությունների սերտացումն ու ներդաշնակեցումը։

Կրկին անհրաժեշտ է լինելու արտաքին քաղաքականությունն ակտիվացնել բոլոր ուղղություններով՝ ճիշտ դասավորելով յուրաքանչյուր երկրի հետ հարաբերությունների մակարդակն ու օրակարգերը։

Դրա համար դիլետանտները, դավաճաններն ու կապիտուլյանտները պետք է դուրս շպրտվեն Հայաստանի քաղաքական դաշտից։

Արտակ Զաքարյանի ֆեյսբուքյան էջից

● Այս խորագրի վերջին նյութերը

Քաղաքական սխոդկա՝ սափրվելու և ֆեյսբուքյան ետնանկարը փոխելու արանքում

20.11.2024 ● 07:41

Փաշինյանի «ժողովրդավարության բաստիոնում» ուժային, իրավապահ համակարգի ղեկավարները, նախարարները, «սահմանադրական անկախ մարմինների» նախագահները նշանակվում են, երբ համաձայնվում են կատարել քաղաքական պատվերներ։

Ոչ ոք չի մոռացվում. ձեր անունները գրվելու են Հենրիխ Յագոդայի, Նիկոլայ Եժովի, Խաչիկ Մուղդուսիի կողքին

20.11.2024 ● 07:08

Գրվելու են որպես հանցավոր հրամանների կատարողներ, հարյուրավոր ընտանիքներ դժբախտացնողներ։

Երևանում անանցանելի խցանումներ են (տեսանյութ)

19.11.2024 ● 12:17

Մարդիկ չեն կարողանում դասի և աշխատանքի գնալ։

Հերթական ահազանգն ու զայրութը քաղաքացիներից (տեսանյութ)

18.11.2024 ● 21:52

Ասե՛ք դուրս գան մեր գրպաններից, հերիքա

Իրական որոշում կայացնողները կլինեն ստվերում՝ ոչ հայկական անձնագրերով

18.11.2024 ● 19:52

Մտնում ենք արտաքին կառավարման տակ։ Ըստ էության, ռեյդերական գրոհի հետեւանքով երկիրը բռնազավթվել է։

Օգտագործված-դուրս շպրտվածները․ «Կարճ ասած» (տեսանյութ)

18.11.2024 ● 19:18

Փաշինյանը սպասում է, որ ժողովուրդը մի օր իրեն հանելու է, առավելագույնը՝ մեկուկես տարուց։

Վավերագրող Հովհաննես Իշխանյանը կոչ է անում միանալ «Մայր Հայաստանի» նախաձեռնությանը և դեմ արտահայտվել տրանսպորտի թանկացմանը (տեսանյութ)

«Մայր Հայաստան» խմբակցության անդամը՝ Տիգրան Ավինյանի չիրականացված խոստումների մասին (տեսանյութ)

Շինարարական քաոսը Երևանի համար խնդիր է դարձել․ Սամվել Հակոբյան (տեսանյութ)

● Կարծիք