Պարոն Փաշինյա՞ն. Էս պարզվեց՝ մորդ որ հայհոյում են՝ ծանր ես տանո՞ւմ: Նոր նկատեցի՞ր, թե ինչ ցավալի բան է:

Երեք տարի թեժ կողմնակիցներդ ու ֆեյքերդ ամենակեղտոտ ձևով հայհոյում են յուրաքանչյուրի, ով համարձակվում է քո կարծիքին հակասող կարծիք հրապարակել: Այլ կարծիք պարունակող ամեն մի նյութի տակ անցենզուր քոմենթներ են թողնում, պարտադիր:

Կար ժամանակ, երբ այնքան հեղինակություն ունեիր, որ մի նախադասությամբ կամ մի կարճ ռեպլիկով կարող էիր ընդմիշտ վերացնել այդ մշակույթը (որն, ի դեպ, հենց քո օրոք ու քո շնորհիվ մտավ): Չարեցիր:

Որպես երկրի ղեկավար էլ՝ ուղղակի պարտավոր էիր քաղաքացիներին պաշտպանել այդպիսի հարձակումներից: Չարեցիր:

Հիմա նոր ես հասկացե՞լ, թե ինքնասիրությանը կպնելը ինչ վատ բան է: Թե՞ այս երկրում միայն դու ունես ինքնասիրություն:

Իմացիր. լինի քո հրանանգով, լինի քո գիտությամբ, թե պարզապես քո թողտվությամբ՝ կողմնակիցներիդ կողմից այլախոհների հասցեին հնչեցված ամեն մի հայհոյանք (լավ, ասեմ ՔՖՈւՐ, որ հասկանաս) վերադառնալու է քեզ ու հարազատներիդ, տասնապատկված:

Մի ժամանակ կար, որ քո կողմնակիցների կողմից իմ հասցեին օրական հարյուրավոր անգամներ արվող կեղտոտ մեկնաբանություններին որոշել էի պատասխանել՝ այդ խոսքերից ամենաճող ծաղկաքաղը ուղիղ եթերում քեզ վերահասցեագրելով:

Հիմա հասկացել եմ, որ դրա կարիքը չկա: Քեզ այնքան են ՔՖՐԵԼՈւ, որ էլ տեղ չի մնալու: Ու ամենաճոխ հայհոյանքները լսելու ես ոչ թե նրանցից, ովքեր հիմա համարձակվեցին հրապարակայնորեն դա անել, այլ հենց նրանցից, ովքեր հիմա մտքի մեջ քեզ ինչ ասես ասում են, բայց բարձրաձայն վախենում են արտահայտվել: То ли еще будет…

Հայկ Ալումյանի ֆեյսբուքյան էջից