Ազգովի բողոքում ենք ավտոտեսուչի կողմից հազար դրամ կաշառք վերցնելուց, բայց երբ նույն ավտոտեսուչը հրաժարվում է կաշառք վերցնել զայրանում ենք իր վրա։ Երբ տեսնում ենք, որ ինչ-որ մեկը գումարով իր հերթը առաջ է գցում, զայրանում ենք, բայց հենց ունենում ենք դա անելու հնարավորություն` անում ենք։ Հիմա լավ, ո՞րն ա արդարությունը, կամ ի՞նչ ենք մենք ուզում։

Տարիներ ի վեր ասել եմ, որ մեր հավաքական կերպարն ունի մեծ, շատ մեծ խնդիր. մենք չենք ուզում լավ ապրել, մեզ բավարարում է հարևանի վատ ապրելը։ Մի ժողովուրդ ով 20 տարի գոռում էր, որ մեզ թալանում են, այսօր լուռ է։ Լուռ է այն ժամանակ, երբ Հայաստանը թալանվում է աննկարագրելի տեմպերով։ Փաստորեն թալանը չէր խնդիրը, այլ հարուստներին պատժելը։ Հենց սրա համար էր միջին ընտրողը ընտրում նիկոլին։ Բայց նիկոլը իրենց հուսահատ արեց` մարդ չպատժեց։ Քիչ է չպատժեց, հիմա էլ սկսել է իրենցից լավ ապրել։ Ու մենք մտանք նույն պրոցեսի մեջ. պետք է բերել մեկին ով նիկոլին ու մնացած հարուստներին կպատժի։ Մենք կրկին չենք ուզում լավ ապրել, մենք պատժի ենք կարոտ։

Արթնացեք սիրելի հայեր, արթնացեք...