Ավստրալիացի արվեստագետ Մարտին Քեյը, ով կրթահամալիրի Գեղարվեստի ավագ դպրոցի իր ընկերների հետ որպես ֆիլմ հրատարակելու է «Անտիվիրուս Կոմիտաս. 5 պատվաստ»-ը, ձայնագրում էր ակցիան:

Հաջորդ նախագիծը  «Սեբաստիա» մարզահամալիրի բարելավումն է: Քաղաքի Հարավարևմտյան  զանգվածում արդիական մարզահամալիր` բաց և փակ մարզադաշտերով: Նախագծի իրականացմանն իր աջակցությունը հայտնեց Հայաստանի օլիմպիական կոմիտեն, որը այսօր մարզագույք է նվիրել, «Գագիկ Ծառուկյան» բարեգործական հիմնադրամը, որը  3000000 դրամ է հատկացրել մարզահամալիրի նորոգման աշխատանքին: Նվերով էին եկել նաև ՀՀ ֆիզկուլտուրայի, սպորտի և տուրիզմի աշխատողների արհեստակցական ճյուղային կազմակերպությունների հանրապետական միությունը, «Ուսուցչաց տուն», «Աղաջանյան եղբայրներ» կազմակերպությունները: Այսօր մարզատոն էր կրթահամալիրի ութ դպրոցների սովորողների համար. մարզահամալիրի բարելավման աշխատանքը մեկնարկեց, իսկ բացումը հայտարարվեց սեպտեմբերի 4-ին:

Օրվա տոնական շարունակությունը կրթահամալիրի չորս կրտսեր դպրոցներում էր, որտեղ բացվեցին ամառային լողափերը: Կրթահամալիրի ամառային ճամբարները շոգից կպաշտպանեն, զարգացնող և կազդուրող լավագույն միջավայրը կլինեն ամառը քաղաքում անցկացնող 2-12 տարեկան երևանցիների համար: Այսօր արդեն լողում էին կրթահամալիրի նախակրթարանների և կրտսեր դպրոցների սաները:

Մեդիակենտրոնը նույնպես սկսեց ամառային աշխատանքը` գիտակների ակումբների առաջին հավաք, ընտանեկան շախմատի առաջնություն: Անլար ինտերնետով մեդիաընթերցարանում, կինոդահլիճում, նիստերի սրահում ու ցուցասրահում ողջ ամառ կկազմակերպվեն սովորողների և նրանց ծնողների, ուսուցիչների և թաղամասի բնակիչների կրթամշակութային հավաքներ: