«Երևան Ջուր» ընկերությունը տեղեկացնում է իր հաճախորդներին և սպառողներին, որ, Ազատ գետի վարարման պատճառով «Գառնի պոմպակայանի»  հոսանքազրկման, ինչպես նաև «Արարատյան-Երևան» ջրատարի վթարի հետ կապված, ս.թ. հունիսի 1-ին ժամը 6.00-ից.

• դադարեցվել է Էրեբունի վարչական շրջանի Արցախի պողոտայի, Վարդան Աճեմյան, Երկաթուղայինների փողոցների ու հարակից տարածքների ջրամատակարարումը,

• Կենտրոն, Շենգավիթ, Էրեբունի և Նուբարաշեն վարչական շրջանների, ինչպես նաև Արարատի մարզի Բարձրաշեն, Դիտակ, Նոր Խարբերդ, Ջրաշեն համայնքների և անմիջապես ջրատարից սնվող մյուս տարածքների ջրամատակարարումն իրականացվում է ժամանակացույցի խախտումով:

Վթարավերականգնողական աշխատանքների ընթացքի և ջրամատակարարման գործող ռեժիմի վերականգնման վերաբերյալ կտեղեկացվի լրացուցիչ:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: