Ներդրումային միջավայրի բարելավումը 1998-2007-ին կտրուկ մեծացրեց հետաքրքրությունը Հայաստանի հանդեպ։ Այս մասին գրված է ՀՀ երկրորդ նախագահ Ռոբերտ Քոչարյանի ֆեյսբուքյան պաշտոնական էջում․

Հրապարակումն ամբողջությամբ՝ ստորև․

«Օտարերկրյա ուղղակի ներդրումները հոսում էին դեպի մեր երկիր՝ աշխարհի տարբեր երկրներից։ Ներդրումներ էին կատարում ինչպես արտասահմանցիները, այնպես էլ սփյուռքի մեր հայրենակիցները՝ տնտեսության ամենատարբեր ոլորտներում՝ ենթակառուցվածքներից մինչև գյուղատնտեսություն և կապիտալ շինարարություն, արտադրություն և սննդի արդյունաբերություն։

Դրան նպաստում էին բարենպաստ հարկային և օրենսդրական կարգավորումները, վստահությունը պետության ու դրա ապագայի հանդեպ, պետության հետ հարաբերություններում թափանցիկությունն ու ներդրումների վերադարձնելիությանը նպաստող մյուս պայմանները։

Տարեցտարի շեշտակի ավելանում էին ներդրումները՝ հզորացնելով Հայաստանը, տնտեսությունը, բարելավելով շարքային քաղաքացու կյանքի որակը, ապահովելով երկրի անվտանգությունը, տնտեսական կայունությունը և ստեղծելով պայմաններ՝ պարզապես լավ ապրելու համար»։