Լիբիայից փախած գեներալներից մեկը՝ Մալուդ Մասուդ Հալասին, որ Տրիպոլիից հեռացած՝ Լիբիայի ղեկավարության 8 նախկին կողմնակիցներից է, Հռոմում հայտարարել է, թե Մուամար Քադաֆիի վարչակարգի կողքին մնացել է ռազմական ուժերի  20%–ից ոչ ավելին։

Լիբիայի նախկին արտգործնախարար Աբդել Ռահման Շալգամի խոսքերով, որոնք մեջբերում է «Ansa» գործակալությունը, գնդապետ Քադաֆիից երես են դարձրել 120 պաշտոնական անձինք և զինվորականներ, որոնք բոլորն այժմ Լիբիայի սահմաններից դուրս են։

«ՌԻԱ նովոստիի» փոխանցմամբ՝ գեներալ Հալասին նշում է, որ Լիբիայի առաջնորդի տրամադրության տակ այժմ մնացել են մի քանի հարյուր զինվորներ և ոչ ավելի, քան  տասը գեներալ։

Լիբիայում անկարգություններն սկսվել են փետրվարի 15–ից, երբ բողոքողների ցույցերն աստիճանաբար վերածվեցին զինված հակամարտության կառավարական զորքերի ու ապստամբների միջև, որոնք պահանջում են երկրի ղեկավար Մուամար Քադաֆիի հրաժարականը։