Այս պարագայում Թուրքիայի նպատակը բացառապես մեկն է

● Կարծիք

31.03.2021 ● 15:18

Այս պարագայում Թուրքիայի նպատակը բացառապես մեկն է

Նկատե՞լ եք, չնայած Հայաստանից «մոտեցումներ շտկելու» ոմանց տենչին և հաղորդակցության ուղիների ապաշրջափակման ծրագրում տեսանելի ու անտեսանելի «ծնրադրություններին», Թուրքիայից այդպես էլ չի լսվում մի կարևոր հայտարարություն․ «պատրաստ ենք բացելու Կարս-Գյումրի երկաթուղագիծը»։

Ընդհակառակը՝ Թուրքիայի տրանսպորտի և ենթակառուցվածքների նախարար Ադիլ Կարաիսմայիլօղլուն նոյեմբերի 9-ի տխրահռչակ հայտարարությունից անմիջապես հետո նշեց, որ տարածաշրջանում նոր զարգացումների համատեքստում Անկարան մտադիր է կառուցել Իգդիր (Թուրքիա)-Սադարակ (Նախիջևան) երկաթուղագիծը։

Այսինքն Նախիջևանի հետ երկաթուղային կապ հաստատելու նպատակով թուրքական կողմը մտադիր չէ բացել Կարս-Գյումրի հատվածը և օգտվել ամբողջությամբ Հայաստանի տարածքում գտնվող արդեն իսկ առկա Գյումրի-Արմավիր-Երևան-Երասխ գծից, որպեսզի հնարավորինս խուսափի Նախիջևանի միջոցով Ադրբեջանի հետ երկաթուղային կապ հաստատելու հայկական ուղուց, որը հնարավոր չէ շրջանցել միայն Սյունիքի մոտ 46 կմ-անոց հատվածում։

Սա նշանակում է, որ նաև կոնկրետ այս պարագայում Թուրքիայի նպատակը բացառապես մեկն է և ակնհայտորեն ոչ անկեղծ՝ հայկական ազդեցությունը հնարավորին նվազեցնելով, հասնել իր ծավալապաշտական երազանքին՝ պատկերավոր ասած, «երկաթուղային Թուրանի» առաջին և երկրորդ կայարան Նախիջևանին և Ադրբեջանին։

Քարտեզում՝ երկաթուղագծերը մեր տարածաշրջանում

Վարդան Ոսկանյանի ֆեյսբուքյան էջից

● Այս խորագրի վերջին նյութերը

Երևանում տրանսպորտի գինը չպետք է բարձրանա 100 դրամից

20.11.2024 ● 13:28

Կարողա՞ տրանսպորտի գինը թանկացնում եք, որ հետո այն հանձնեք կառավարման մասնավորին, օրինակ` ձեր սրտի օլիգարխին։

Արագ տեմպերով մոտենում ենք միջուկային պատերազմին

20.11.2024 ● 13:22

Ռուսաստանն իր միջուկային դոկտրինում հերթական փոփոխությունն է կատարել։

Հիմա էլ առաջարկում են հարկերը բարձրացնել` թանկացնել ու սրանք կանեն դա

20.11.2024 ● 13:06

Դե ինչ սիրելի հայրենակիցներ ջան, սա ձեր հանդուրժելու արդյունքն է, սա ձեր համակերպվելու արդյունքն է, սա ձեր հարմարվելու և լռելու արդյունքն է, սա ձեր ընտրության արդյունքն է։

Քաղաքական սխոդկա՝ սափրվելու և ֆեյսբուքյան ետնանկարը փոխելու արանքում

20.11.2024 ● 07:41

Փաշինյանի «ժողովրդավարության բաստիոնում» ուժային, իրավապահ համակարգի ղեկավարները, նախարարները, «սահմանադրական անկախ մարմինների» նախագահները նշանակվում են, երբ համաձայնվում են կատարել քաղաքական պատվերներ։