Այսօր ժամը 12.00-ին Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի առջև տեղի ունեցավ բողոքի ակցիա նվիրված Տիգրան Փոստանջյանի դեմ  ապօրինի դատավարությանը:

Հիշեցնենք, որ այսօր արդեն 20-րդ օրն է, ինչ Տիգրանը հացադուլի մեջ է, որով նա իր բողոքն է հայտնում «Նուբարաշեն» ՔԿՀ-ում տիրող նվաստացուցիչ պայմաններից և  իր դեմ կիրառվող ապօրինի կալանքից:

Ակցիային մասնակցում էին բազմաթիվ քաղաքացիներ, «Ժառանգություն» կուսակցության վարչության անդամները, պատգամավորները, ովքեր պահանջում էին անհապաղ դադարեցնել անօրինական քրեական հետապնդումը և ազատ արձակել քաղաքական պատանդ Տիգրան Փոստանջյանին: Ակցիան ուղեկցվում էր հետևյալ կարգախոսներով.

• Մեր սերնդի կարգախոսն է` ազատություն, արդարություն, արժանապատվություն
• Հեղափոխությունից սարսափողներ, ազատության հաղթարշավը անկասելի է
• Մենք բոլորս Տիգրան ենք
• 37 թիվը չի կրկնվի
• Ո՛չ ստալինյան օրենքներին
• Չե°ք վախեցնի
• Հայտարարություն`  վարձով է տրվում ազատ բանտախուց: Պատվերների համար դիմել նախագահական: Գինը` պայմանագրային
• Ներքին օգտագործման դատարան
• Փնտրվում է Տիգրան Փոստանջյանին մեղադրող հոդվածը
• Արթուր Մկրտչյան, ձեզ վեր մի° դասեք օրենքից
• Հարկերը` մեզնից, գործ սարքելը` ձեզնից
• Համաներումից հետո թափուր բանտախցեր` նոր անմեղների համար
• Հաշվեհարդար հայկական տարբերակով։
• «Ժառանգություն» կուսակցություն