Ի՞նչ կլինի, եթե վաղն այս վարչախումբը հեռանա

● Կարծիք

25.03.2021 ● 15:03

Ի՞նչ կլինի, եթե վաղն այս վարչախումբը հեռանա

Հայաստանի նկատմամբ նոր պատերազմի սանձազերծման վտանգն անհապաղ կվերանա հենց այն պահից, երբ Հայաստանի այս իշխանությունը անվերադարձ կհեռանա:

Այս պնդման հիմնավորումը շատ պարզունակ է` այլևս իշխանության չի լինի այն քաղաքական միավորը, որը կարող է երկրի ներսից ապահովել թշնամու հաջողությունները, բացահայտ սպասարկել թուրքական օրակարգը: Արդյունքում` կսկսի անխափան աշխատել թշնամական ուժերի հերթական ագրեսիան զսպող պետական մեքենայի արտաքին քաղաքական, անվտանգային, պաշտպանական ու տնտեսական ոլորտներում դեռևս առողջ մնացած հատվածը:

Ադրբեջանն անմիջապես կվերադարձնի հարյուրավոր գերեվարվածներին, որովհետև նրա մոտ այլևս որևէ իմաստ, կամ շարժառիթ չի մնա միջազգային տարբեր ատյանների ճնշումներին դիմակայելով` պահել նրանց:

Այժմ գերիներին պահելու շարժառիթները շատ առարկայական են.

առաջին` Հայաստանի ներքին քաղաքական կյանքում թրքանպաստ օրակարգը սպասարկելու նպատակով հարմար պահին մի մասին վերադարձնել, և ներկայացնել դա, որպես բարի կամքի դրսևորում, միաժամանակ սպասարկելով թուրքերի հետ անհապաղ հաշտության գնալու վարչախմբի ջանքերը,

երկրորդ` սպասվելիք հնարավոր նախընտրական փուլում (եթե կայանան) մի մասին վերադարձնել, և ներկայացնել դա, որպես գործող վարչախմբի ձեռքբերում:

Եզրահանգումը մեկն է` բոլոր գերիների անհապաղ վերադարձ կարող է լինել միայն և բացառապես այս վարչախմբի հեռացումից հետո:

Բացի վերը նշվածը, անմիջապես կդադարեն Արցախի հողում Ալիևի և իր սեռաքաղցով տառապող, հոգեշեղված ընտանիքի խեղկատակությունները, մատ թափ տալը, հոխորտանքը և իհարկե հայ ժողովրդի հանդեպ գործածվող և անպատասխան մնացող նվաստացուցիչ հռետորաբանությունը, իսկ Հայաստանը դուրս կգա արտաքին քաղաքական եռամյա ամբողջական մեկուսացումից:

Պետությունը կանցնի իր սահմանադրական գործառույթների իրականացմանը, կկանգնեցվի տնտեսական անկումը, անվերահսկելի գնաճը, կսկսեն լուծվել սոցիալական խնդիրները: Իսկ մարդիկ աստիճանաբար կանցնեն իրենց առօրյա աշխատանքին, և կսկսեն աշխատել երկիրն ու պետությունը, նաև` իրենց առօրյա կենցաղը նորմալ հուն վերադարձնելու ուղղությամբ: Բնականաբար` կպակասի և կկասեցվի անասելի ծավալների հասնող արտագաղթը: Կհաստատվի կայունություն, և պետությունը կսկսի զբաղվել իր գործով, իսկ մարդիկ` իրենց:

Եթե չհեռանա...

Այստեղ ի՞նչը պարզ չէ...

Դավիթ Դոխոլյանի ֆեյսբուքյան էջից

● Այս խորագրի վերջին նյութերը

Երևանում տրանսպորտի գինը չպետք է բարձրանա 100 դրամից

20.11.2024 ● 13:28

Կարողա՞ տրանսպորտի գինը թանկացնում եք, որ հետո այն հանձնեք կառավարման մասնավորին, օրինակ` ձեր սրտի օլիգարխին։

Արագ տեմպերով մոտենում ենք միջուկային պատերազմին

20.11.2024 ● 13:22

Ռուսաստանն իր միջուկային դոկտրինում հերթական փոփոխությունն է կատարել։

Հիմա էլ առաջարկում են հարկերը բարձրացնել` թանկացնել ու սրանք կանեն դա

20.11.2024 ● 13:06

Դե ինչ սիրելի հայրենակիցներ ջան, սա ձեր հանդուրժելու արդյունքն է, սա ձեր համակերպվելու արդյունքն է, սա ձեր հարմարվելու և լռելու արդյունքն է, սա ձեր ընտրության արդյունքն է։

Քաղաքական սխոդկա՝ սափրվելու և ֆեյսբուքյան ետնանկարը փոխելու արանքում

20.11.2024 ● 07:41

Փաշինյանի «ժողովրդավարության բաստիոնում» ուժային, իրավապահ համակարգի ղեկավարները, նախարարները, «սահմանադրական անկախ մարմինների» նախագահները նշանակվում են, երբ համաձայնվում են կատարել քաղաքական պատվերներ։