Լրագրողների հետ հանդիպման ժամանակ անդրադառնալով ՀԱԿ–իշխանություն երկխոսությանը՝ ՀԱԿ առաջնորդ Լևոն Տեր–Պետրոսյանի  մամլո խոսնակ Արման Մուսինյանն ասել է՝ ֆորմալ առումով երկխոսություն չկա։

–Երկխոսություն չի եղել, այլ եղել է հրապարակային պահանջների առաջադրում, և վարչախմբի կողմից այդ պահանջների կատարման հարցում ընկալունակության դրսևորում: Եղել է հրապարակային, եթե  դուք դա անվանում եք երկխոսություն, մինչդեռ մենք երկխոսություն ասելով հասկանում ենք պահանջների կատարումից հետո երկու կողմերի ներկայացուցիչների հանդիպումների շարք, որում ՀԱԿ–ը մասնակցելու է մեկ օրակարգով՝ արտահերթ նախագահական և խորհրդարանական ընտրությունների անցկացում,–ասել է նա:

Ըստ  Արման Մուսինյանի՝ իշխանությունները շարժվում  են ՀԱԿ–ի առաջադրած օրակարգով, ինչն իր կողմից դրական է գնահատվում։

Արման Մուսինյանը հայտարարել է, թե բացռվում  է ՀԱԿ–իշխանություններ  որևէ համագործակցություն կամ դաշինք, ինչպես նաև  բացառել է, որ  ՀԱԿ–ն ու իշխանությունը քննարկում են խորհրդարնի տեղերի հարցը։

7or.am