Ընտրությունները, որոնք հավանության կարժանանան ներքաղաքական կոլաբորանտների կողմից, ստրկամիտ կուսակցությունների ձեռքով Նիկոլի վերարտադրության լեգիտիմացումն են: Այս մասին իր իր թելեգրամյան ալիքում գրել է Սուրբ Աթոռում ՀՀ նախկին դեսպան Միքայել Մինասյանը:

«Եկեք ապակենտրոնացնենք ընտրությունների մասին Նիկոլի ստեղծած խառնաշփոթը:

1․ Լարվեք և հիշեք, երբ Նիկոլը սկսեց խոսել արտահերթ ընտրությունների մասին: Ճիշտ է՝ երբ ընդդիմությունն ուժեղ էր, կապիտուլյացիայի մասին հիշողությունը թարմ էր, իսկ մանդատներով ուսապարկերը թաքնվում էին ընկերների և ծանոթների տներում։ Հետո, երբ ընդդիմության ակտիվությունը նվազեց, Նիկոլը որոշեց, որ ժողովուրդն այլևս չի ցանկանում ընտրություններ: և հիմա, երբ Գլխավոր շտաբը սատարեց ժողովրդին, հանկարծ պարզվեց, որ նույն ժողովուրդը հանկարծ, անսպասելիորեն ու կտրուկ ընտրություններ ուզեց: Ընտրությունները կապիտուլյանտի կեղծ օրակարգն են, որոնք ասպարեզ են նետվում մի նպատակով՝ ուժային դիմակայությունը վերափոխել քաղաքական առևտրի:

2․ Ընտրությունների անցկացման գլխավոր, ամենակարևոր պայմանը Նիկոլի համար նախընտրական շրջանում նրա իշխանության մեջ լինելն է: Նրա առաջ քաշած թեզը այսպիսին է՝ մենք միակ իշխանությունն ենք, որն անցկացրել է միակ ազատ ընտրությունները անկախ Հայաստանի պատմության մեջ: Բայց դրանք Նիկոլի՝ կիսաստվածի ընտրություններ էին: Հիմա կիսաստված Նիկոլը բոլորի կողմից ընկալվում է որպես կապիտուլյանտ, դավաճան և կնահաճո: Առաջնորդ, որ ամոթալի կերպով օգտագործում է քրեական աշխարհը, ամբողջ վարչական ռեսուրսները և պետական ու օլիգարխիկ ֆինանսավորումը, որպեսզի հրապարակում խղճուկ ներկայացում կազմակերպի: Նրան պետք չէր կեղծել 2018-ի ընտրությունները: 2021 թվականի հնարավոր ընտրությունները կենսական նշանակություն ունեն: Հիշեք 1990-ին ժողովրդականորեն ընտրված Լևոն Տեր-Պետրոսյանին և 1995-ի և 1996-ի ամոթալի ընտրությունները:

3. Ո՞ւմ հետ է նա քննարկում ընտրությունների հարցը: Ազգային ժողովի 2 խմբակցությունների հետ: Թե այս կուսակցությունների, թե նրանց առաջնորդների հանդեպ ամենայն հարգանքով, նրանք ժողովուրդ չեն: Ժողովրդին սպանել են պատերազմում, ժողովուրդը բուժում է վիրավորներին, փնտրում անհայտ կորածներին և հույս ունի վերադարձնել գերիներին: Ժողովրդին ստում են և ուզում են ճշմարտությամբ կամ կեղծիքով ստիպել վերարտադրել նիկոլյան իշխանությունը: Ժողովուրդը 2018-ին Նիկոլին վարչապետ է նշանակել և այժմ լիզում է այն վերքերը, որոնք Նիկոլը հասցրել է իրեն: Կրկնում եմ, խորհրդարանական ընդդիմության հանդեպ ամենայն հարգանք տածելով, նրանք, Նիկոլի թշվառների հետ միասին, չեն ներկայացնում ամբողջ ժողովրդին և չեն ներկայացնում ամբողջ քաղաքական սպեկտրը:

Ահա թե ինչու էի այս ամենն ասում: Ընտրությունները, որ պետք է կազմակերպվեն և կառավարվեն Նիկոլի կողմից, ազատ կամարտահայտման գաղափարի խեղաթյուրում է:

Նիկոլի կողմից սահմանված ընտրությունների օրը Նիկոլի համար ժամանակ շահելու հնարավորություն է:

Ընտրությունները, որոնք հավանության կարժանանան ներքաղաքական կոլաբորանտների կողմից, ստրկամիտ կուսակցությունների ձեռքով Նիկոլի վերարտադրության լեգիտիմացումն են:

Դրանք կլինեն ոչ թե ընտրություններ, այլ իշխանության ուզուրպացման մեղսակցություն: և, կարծես, բոլորն արդեն դա հասկանում են»,- գրել է Միքայել Մինասյանը: