Հայաստանի չորրորդ հանրապետություն չի լինելու, պարոն Սարգսյան Արմեն, իզուր ջանքեր մի գործադրեք...

● Կարծիք

05.03.2021 ● 08:44

Հայաստանի չորրորդ հանրապետություն չի լինելու, պարոն Սարգսյան Արմեն, իզուր ջանքեր մի գործադրեք...

Գնա Լոնդոն, գնա՛...

Երբ հայատյաց դասալիքը կազմակերպում էր հարձակում Հայ Առաքելական Սուրբ Եկեղեցու և Ամենայն Հայոց Կաթողիկոսի վրա` Հայաստանի Հանրապետության առաջին և չորրորդ նախագահները այդ ժամանակ կույր էին, խուլ էին, և համր` նրանք լռում էին:

Երբ հայատյաց դասալիքը ապօրինաբար բանտարկում էր Արցախն ազատագրած, և Հայաստանն ու Արցախը անվտանգ պահած ու զարգացրած հերոսներին, լեգենդար հրամանատարներին ու հեղինակավոր վաստակաշատ մարդկանց` Հայաստանի Հանրապետության առաջին նախագահը լուռ ցնծում էր, իսկ չորրորդ նախագահը այդ ժամանակ կույր էր, խուլ էր, և համր` նա լռում էր:

Երբ հայատյաց դասալիքը Հայ դպրոցում Հայոց պատմությունից և Հայ գրականությունից հանում էր Հայ բառը, և Հայ դպրոցից և Հայոց բանակից դուրս էր անում հոգևորականներին, այդ ժամանակ Հայաստանի Հանրապետության առաջին և չորրորդ նախագահները կույր էին, խուլ էին և համր` նրանք լռում էին:

Երբ դավաճան դասալիքը լկտիաբար ոտնահարում էր Հայաստանի Հանրապետության օրենքներն ու սահմանադրությունը, այդ ժամանակ Հայաստանի Հանրապետության չորրորդ նախագահը կույր էր, խուլ էր և համր` նա հաստատում էր ապօրինի որոշումները, և լռում էր:

Երբ հայատյաց դասալիքը պառակտում և բզկտում էր Հայ հասարակությունը, վատթարացնում էր բանակի կառավարումը, զբաղվում էր ակնհայտ կոռուպցիայով, վերացնում էր մշակույթն ու ընտանիքը, ջախջախում էր արտաքին քաղաքական և երկրի սոցիալ-տնտեսական ձեռքբերումները, ներդրումային մթնոլորտը, այդ ժամանակ Հայաստանի Հանրապետության չորրորդ Նախագահը կույր էր, խուլ էր և համր` նա լռում էր:

Շարքը կարելի շարունակել, բայց սրանք Արցախը հանձնելու հիմնական նախադրյալներն էին:

Հիմա, երբ Արցախը դավաճանված և հանձնված է` առաջին և չորրորդ նախագահներն ակտիվացել են:

Առաջինը պախարակում է հայատյաց դասալիքին, հավանաբար այն պատճառով, որ վերջինս չի կարողացել ամբողջությամբ հանձնել Արցախը (դա առաջին նախագահի ծրագիրն էր), միաժամանակ համալրում է իր կադրերով, և տեղավորում փաստացի տապալված վարչակարգում, որպեսզի ավարտին հասցնեն գործը:

Իսկ չորրորդը, իբր պահանջում է հայատյաց դասալիքի հրաժարականը ( իր հայտարարության տեքստը նախօրոք համաձայնեցնելով նրա հետ ), բայց իրականում փորձում է երկարաձգել իրենց պաշտոնավարումը` լուռ ստորագրելով տարբեր հրամանագրերը:

Քաղաքագիտական և բարոյագիտական, պատմական ու դասագրքային ճշմարտություն է այն, որ` ձախողված և պարտված պետության կարգավիճակում գտնվող երկրում առաջին և անփոխարինելի պաշտոնյան, որը պետք է հեռանա, դա ` սահմանադրությամբ սահմանված պետության գլուխն է: Այս դեպքում դա Հայաստանի Հանրապետության նախագահն է, որի հավանությամբ, լռությամբ, խոնարհ կեցվածքով, նաև չի բացառվում` խնամքով սքողված ղեկավարմամբ կազմակերպվեց և տեղի ունեցավ այս ամենը:

Քանի դեռ այս հարցը չի լուծվել` ոչ մի հարց չի լուծվի, և իրավիճակն առավել բարդանալու է: Մանավանդ, կարծես կրկին պաշտոններ են ստանում և իրար գլխի են հավաքվում 1999 թվականի հոկտեմբերի 27-ի եղկելի ոճրագործության արդյունքում անհապաղ պաշտոններ ստանալու հավակնողները...

Քաղաքական, պատմական ու բարոյական զավեշտ է, երբ գործող պետության գլուխը նման դեպքում ինքն է իբր առաջարկում այլոց հրաժարականները: Սա հայատյացության, անբարտավանության ու լկտիության գագաթնակետն է :

Հայաստանի Հանրապետության գործող նախագահը առաջինը պետք է հրաժարական ներկայացնի: Նրա հրաժարականին պետք է հետևի Արցախի Հանրապետության նախագահի հրաժարականը, այնուհետև` ՀՀ գործող վարչապետի` հայատյաց դասալիքի հրաժարականը:

Հ.Գ. Հայաստանի չորրորդ հանրապետություն չի լինելու, պարոն Սարգսյան Արմեն, իզուր ջանքեր մի գործադրեք...

Հայաստանն ու Արցախը դեռ ոտքի են կանգնելու, զարգանալու են և հզորանան, բայց առանց ձեզ, և ձեր հայատյաց դասալիքների խմբակի, ճիշտ այնպես, ինչպես մինչ ձեր այստեղ հայտնվելն էր: Գնա, գնա Լոնդոն, քանի դեռ չես դատվել` քանի դեռ հայատյաց դասալիքը քեզ չի մատնել:

Անի Կարապետյանի ֆեյսբուքյան էջից

● Այս խորագրի վերջին նյութերը

Այսպիսի տրանսպորտի գի՞ն եք թանկացնում (տեսանյութ)

20.11.2024 ● 20:03

Ժամերով սպասելուց հետո կամ խցկված են երթևեկում, կամ էլի մնում են դրսում, քանի որ բարձրանալու տեղ չկա։

Սա զիջելու և ազգային ինքնությունը մերժելու, ազգային սիմվոլներից հրաժարվելու հերթական, ապազգային քայլն է

20.11.2024 ● 18:04

ՄՇԱԿՈւԹԱՅԻՆ ՕՐԵՆՍԴՐՈւԹՅԱՆ ՀԻՄՈւՆՔՆԵՐ… բազմաթիվ հարցեր, չհիմնավորցած պատասխաններ։

Երևանում տրանսպորտի գինը չպետք է բարձրանա 100 դրամից

20.11.2024 ● 13:28

Կարողա՞ տրանսպորտի գինը թանկացնում եք, որ հետո այն հանձնեք կառավարման մասնավորին, օրինակ` ձեր սրտի օլիգարխին։

Արագ տեմպերով մոտենում ենք միջուկային պատերազմին

20.11.2024 ● 13:22

Ռուսաստանն իր միջուկային դոկտրինում հերթական փոփոխությունն է կատարել։

Հիմա էլ առաջարկում են հարկերը բարձրացնել` թանկացնել ու սրանք կանեն դա

20.11.2024 ● 13:06

Դե ինչ սիրելի հայրենակիցներ ջան, սա ձեր հանդուրժելու արդյունքն է, սա ձեր համակերպվելու արդյունքն է, սա ձեր հարմարվելու և լռելու արդյունքն է, սա ձեր ընտրության արդյունքն է։

Քաղաքական սխոդկա՝ սափրվելու և ֆեյսբուքյան ետնանկարը փոխելու արանքում

20.11.2024 ● 07:41

Փաշինյանի «ժողովրդավարության բաստիոնում» ուժային, իրավապահ համակարգի ղեկավարները, նախարարները, «սահմանադրական անկախ մարմինների» նախագահները նշանակվում են, երբ համաձայնվում են կատարել քաղաքական պատվերներ։

Այսպիսի տրանսպորտի գի՞ն եք թանկացնում (տեսանյութ)

Ջրափոսը պետք է թռնեն, որ նոր հասնեն ավտոբուսին (տեսանյութ)

Տրանսպորտի թանկացման դեմ ստորագրահավաքը շարունակվում է (տեսանյութ)

● Կարծիք