Պաղեստինյան ղեկավարությունը քննադատել է ԱՄՆ Կնոգրեսի առաջ Իսրայելի վարչապետ Բենիամին Նեթանյահուի ունեցած ելույթը։ Հիշեցնենք՝ նա ասել էր, թե պաղեստինցիների հետ խաղաղություն ձեռք բերելու համար Իսրայելը պատրաստ է դիմել որոշ տարածքային ցավոտ փոխզիջումների։

«Ես պատրաստ եմ փոխզիջման գնալ: Սակայն այդ փոխզիջումները պետք է իրականանան` հաշվի առնելով 1967թ. հետո տեղի ունեցած փոփոխությունները»,–ասել էր Իսրայելի վարչապետը։

«Այն, ինչ ներկայացրել է Նեթանյահուն, չի հանգեցնի խաղաղության, այլ հակառակը՝ կբորբոքի իրավիճակը և էլ ավելի խոչընդոտներ կստեղծի խաղաղ բանակցությունների ճանապարհին»,–ի պատասխան հայտարարել է Պաղեստինի ղեկավարի մամուլի խոսնակը։–Մենք պահանջում ենք այն խաղաղությունը, որը կհանգեցնի պաղեստինյան պետության ստեղծմանը 1967թ. սահմանների շրջանակում՝ Արևլյան Երուսաղեմում գտնվող մայրաքաղաքով։

7or.am