Կատարից հեռարձակվող ընդդիմադիր հեռուստաընկերությունը հայտնել է, որ ապստամբների խոսքերով՝ Լիբիայի ղեկավար Մուամար Քադաֆիի կին ու դուստրը փախել են երկրից և գտնվում են Բելառուսում։

Պանարաբական «Аl–Quds Аl–Arabi» թերթն էլ հայտնում է, որ, որոշ տվյալներով, լիբիական ղեկավարի որդի Մուհամմեդ Մուամար Քադաֆին գնվում է հրեական սրբավայրերով հայտնի թունիսական Ջերբա կղզում։

Մուհամմեդ Քադաֆին Լիբիայի օլիմպիական կոմիտեի ղեկավարն է։ Նա նաև ղեկավարում է Լիբիական փոստն ու Լիբիայի խոշորագույն բջջային կապ ապահովող ընկերության սեփականատերն է։

Ավելի վաղ հաղորդվում էր, որ  Մուամար Քադաֆիի կինը լքել է Լիբիան՝ Թունիսով ուղևորվելով Լեհաստան։ Միևնույն ժամանակ Թունիսի իշխանությունները հերքել են իրենց տարածքում լիբիական ընտանքի գտնվելու փաստը։

Վերջերս էլ Լիբիայի ԱԳՆ փոխնախարար Հալեդ Կաիմը հայտարարել էր, որ Սոֆիա և  Աիշ Քադաֆիները նախկինի պես գտնվում են Լիբիայի մայրաքաղաքում։