Անոթային և էնդովասկուլյար վիրաբուժության եվրոպական ամսագրում գիտնականներ պատմել են աշխարհում կորոնավիրուսի համավարակի ժամանակ արձանագրված ամենաարտասովոր և միևնույն ժամանակ զարհուրելի դեպի մասին․ խոսքը 86-ամյա իտալուհու մասին է, որի ձեռքի մատները Covid-19-ի հետևանքով սևացել են, գրում է Mirror-ը։

Ինչպես գրում է գիտական ամսագիրը,-«տարեց իտալուհու աջ ձեռքի երկրորդ, չորրորդ և հինգերորդ մատներում կորոնավիրուսի հետևանքով առաջացել է փտախտ․ մատներն անդամահատվել են»։

Նշվում է, որ բացի փտախտից, իտալուհին վարակի այլ ախտանշաններ չի դրսևորել։ Գիտնականների խոսքով՝ դա նախադեպ է, որը պետք է ուսումնասիրել։ Նրանք նաև կնոջ հիվանդությունը բնութագրել են կորոնավիրուսի «ծանր դրսևորում»:

Գիտնականները տեղի ունեցածը բացատրում են այն հանգամանքով, որ վարակի հետևանքով արյան կուտակումները փակել են դեպի մատներ արյան մատակարարումը:

Աղբյուրը՝ tert.am