Հոլիվուդյան «Օգոստոսի հինգ օրը» ֆիլմը, որը  պատմում է 2008–ի ամռանը Հարավային Օսիայում տեղի  ունեցած դեպքերի մասին, Վրաստանում ցուցադրվելու է վրացերեն թարգմանությամբ։

Ինչպես հաղորդում է «РБК» գործակալությունը,  ֆիլմի  համատեղությամբ պրոդյուսեր Նիկա Ավալիանին ասել է, որ, ինչպես ենթադրվում է, Վրաստանի նախագահ Միխայիլ Սահակաշվիլիի դերը, որը խաղում է ամերիկացի  դերասան Էնդի Գարսիան, կրկնօրինակելու է անձամբ Վրաստանի նախագահ Միխայիլ Սահակաշվիլին։ Նրա խոսքերով՝ ռեժիսոր Ռենի Հարլինի նկարահանած ֆիլմը Վրաստանի  կինոթատրոններին կհայտնվի հունիսին։

Ինչպես հայտնում է Ն.Ավիլովը, թբիլիսյան պրեմիերային ցանկություն է հայտնել ներկա գտնվել անձամբ ֆիլմի ռեժիսորը։

Նշենք, որ «Օգոստոսի  հինգ օրը» ֆիլմն արդեն ցուցադրվել է Վենետիկի և Կաննի կինոփառատոններում, բայց թե ինչ հաջողությունների կամ քննադատությունների է արժանացել, ոչինչ հայտնի չէ։

Վրացական ընդդիմության քաղաքական շրջանակները  նշում են, որ Վրաստանի իշխանություններն այս ֆիլմը նկարահանել են միջազգային «PR»–ի և ռազմական գործողություններից առաջ իշխանությունների գործողությունները բացատրելու համար։