Հանրահայտ ամերիկացի դերասան Չաք Նորիսին կասկածել են անցյալ շաբաթ Վաշինգտոնում անցկացված բողոքներին մասնակցելու մեջ այն բանից հետո, երբ ԱՄՆ-ի նախագահ Դոնալդ Թրամփի կողմնակիցը ֆոտո հրապարակեց, որտեղ պատկերված Էր արտիստին նման մի մարդ. դերասանի մենեջերը հերքել Է այդ տեղեկատվությունը: Այդ մասին, ինչպես տեղեկացնում Է «Արմենպրես»-ը, հաղորդել Է New York Post թերթը:

Ըստ թերթի, առաջին անգամ «Թրամփ 2020» մակագրությամբ լուսանկարը, որտեղ պատկերված Էր կեպկայով տղամարդը եւ նման Էր 80-ամյա Չաք Նորիսին, հայտնվել Է Instagram-ում, սակայն այն ժողովրդականություն Է ձեռք բերել այն բանից հետո, երբ նրա հետ հաղորդակցվել են Twitter սոցիալական ցանցում եւ հետեւյալ գրառումը կատարել. «Սպասեք, այսինքն՝ մենք պարզապես չե՞նք հիշատակելու այն փաստը, որ Չաք Նորիսը մասնակցել Է MAGA-ի խռովությանը: Այն բանից հետո, երբ լուսանկարը տարածվել Է սոցիալական ցանցեցում, դերասանի ներկայացուցիչը հանդես Է եկել Վաշինգտոնի բողոքի գործողություններին նրա մասնակցության մասին տեղեկատվության հերքմամբ»:

«Դա Չաք Նորիսը չԷ, այլ նրա նմանակը, թեեւ Չաքը շատ անգամ ավելի գեղեցիկ Է»,-հաղորդել Է դերասանի ներկայացուցիչը, նշելով, որ արտիստն իր ընտանիքի հետ Տեխասում Է: Արտիստն ինքը նույնպես հերքել Է բողոքի գործողություններին իր մասնակցության մասին ցանցում տարածված լուրերը:

«Ես վերջերս եմ իմացել, որ Կապիտոլիումի անկարգությունների ժամանակ Չաք Նորիսին նման մի մարդ Է եղել: Դա ես չեմ, ես այնտեղ չեմ եղել: Մեր հասարակության մեջ ցանկացած բռնություն տեղ չունի: Ես միշտ եղել ու կողմ եմ օրենքներին եւ կարգուկանոնին»,-դերասանը գրել Է Twitter-ում, հաղորդել Է ՌԻԱ Նովոստին: