Անդրադառնալով Ֆրանսիայի  Սենատում Հայոց ցեղասպանության ժխտումը քրեականցնող բանաձևը չքննարկելուն՝ ՀՅԴ բյուրոյի Հայ դատի գրասենյակի ղեկավար Կիրո Մանոյանն ասել է, թե Ֆրանսիայի նախագահ Սարկոզին դեմ էր, և նա հենց սկզբից պատրաստել էր Սենատին:

–Սա ոչ այդքան Թուրքիայի լոբբիի հաղթանակն է, ինչքան Ֆրանսիայի դիրքորոշման արտահայտումը: Կարևոր էր, որ իրենք չերևան հակաթուրք, չնայած որ դեմ են Թուրքիայի ԵՄ անդամակցությանը: Թուրքիան և Ադրբեջանը միասին են պայքարում և շարունակում են իրենց վարած քաղաքականությունը Հայոց ցեղասպանության ուղղությամբ,–ասել  է նա:

Ըստ  Կիրո Մանոյանի՝ չնայած այն բանին, որ հրեաների ողջակիզման մասին նմանատիպ օրենք կա, սակայն Հայոց ցեղասպանության ժխտումը քրեականցնող բանաձևը  Ֆրանսիայի Սենատի  արդարադատության հանձնաժողովն այնուամենյանիվ համարում է խոսքի  ազատության սահմանփակում, բացի դա՝ Գերմանիան Հոլոքոստը չի ժխտել, իսկ Թուրքիան ժխտողական քաղաքականությամբ է զբաղված, և Ֆրանսիան չի ցանկանում ավելի փչացնել հարաբերությունները նրա հետ։

Հրացին, թե պե՞տք է հայ համայնքը  դաս տա Ֆրանսիայի իշխանություններին և մոտեցող ընտրությունների ժամանակ իր  ձայները ոչ թե գործող իշխանւթյունների օգտին տա, այլ  մյուս թեկնածուների, Կիրո Մանոյանը  պատասխանել է, թե հայ համայնքը պետք է մեկ միասնական քվե ունենա, և դա պետք է որոշվի  համընդհանուր կերպով։

7or.am