Լրագրողների հետ  հանդիպման ժամանակ «Կարին» ազգագրական երգի–պարի համույթի ղեկավար, ազգագրագետ  Գագիկ Գինոսյանը հայտարարել է, որ իրենց համույթը և՛ Ստամբուլի օդանավակայանում, և՛ գլխավոր հրապարակում՝ Աթաթուրքի  արձանի մոտ, քոչարի  է պարել։

–Իսպանիայի ազգագրական պարի մրցույթին մասնակցելու  համար (քանի  որ  ուղիղ չվերթը բավական թանկ էր) մենք սկզբում գնացինք Ստամբուլ, այնուհետև Ստամբուլի օդանավակայանից մեկնեցինք Իսպանիա։ Մենք  որոշել  էինք, որ հենց Ստամբուլի  օդանավակայանում պետք է մեր հաղթական քոչարին պարենք։ Ճանապարհին հայեր հանդիպեցին և առաջարկեցին, որ մենք այդ պարը հենց Ստամբուլի գլխավոր  հարապարակում՝ Աթաթուրքի արձանի  մոտ պարենք, տարան մեզ այնտեղ, ու մենք պարեցինք, պարեցինք նաև օդանավակայանում,–ասել է նա։

Ըստ Գագիկ Գինոսյանի, սակայն, այդ պարը դեռ հաղթական քոչարին չէր։ Մենք՝ հայերս, դեռ պե՛տք է պարենք այդ պարը։

–Նժդեհն ասում էր՝ ներել թուրքերին, իհա՛րկե, այո՛, բայց միայն հաղթելուց հետո։ Մենք  դեռ հաղթական քոչարին կպարենք,–նշել  է նա։

7or.am