Մայիսի 7-ին՝ժամը 18.25-ին  ստացված տեղեկության համաձայն, Երևան քաղաքի Արշակունյաց պողոտայի թիվ 24 շենքի հարակից տարածքում դեռևս չպարզված հանգամանքներում բախվել են ՛՛ԲՄՎ՛՛մակնիշի 08 ՍԼ 141 պետհամարանիշի  և ՛՛ՎԱԶ 2103՛՛ մակնիշի 63 ՍՍ 622 պետհամարանիշի ավտոմեքենաները, ինչի հետևանքով տարբեր աստիճանի մարմնական վնասվածքներով Երևան քաղաքի ՛՛Էրեբունի՛՛ բժշկական կենտրոն են տեղափոխվել չորս քաղաքացի:

Տուժածների առողջական վիճակը գնահատվել է միջին ծանրության:

…

Մայիսի 8-ին ՝ժամը 00.46-ին ստացված տեղեկության համաձայն` Ալավերդի քաղաքի Մադան թաղամասում կամրջից շրջվել և Լալվար գետն է ընկել ավտոմեքենա:

Դեպքի վայր են մեկնել մեկ մարտական հաշվարկ, փրկարարական ուժերի վարչության փրկարական ջոկատը:

Դեռևս չպարզված հանգամանքներում ՛՛Մերսեդես՛՛ մակնիշի 25 ՍՏ 771 պետհամարանիշի ավտոմեքենան դուրս է եկել երթևեկելի մասից և 8 մ բարձրությամբ կամրջից շրջվել Լալվար գետը, որի հետևանքով վարորդ, Ալավերդի քաղաքի բնակիչ,1983թ.-ին ծնված Մհեր Հակոբյանը  և ուղևորներ, Ալավերդի քաղաքի բնակիչներ,1989թ.-ին ծնված Գոռ Նալբանդյանը, 1990թ.ին ծնված Ռազմիկ Կոստանդյանը  և 1991թ.-ին ծնված Ալբերտ Շահվերդյանը  մահացել են տեղում:

Փրկարարների ուժերով գետից դուրս են բերվել վարորդի և ուղևորների դիակները և հանձնվել ոստիկանության աշխատակիցներին:

…

Մայիսի 9-ին^՝ ժամը   06.34-ին ահազանգ է ստացվել, որ Երևան քաղաքի Մյասնիկյան պողոտայում թիվ 33 տան հարակից  ավտոճանապարհին տեղի է ունեցել  ավտոպատահար, կան տուժածներ և անհրաժեշտ է փրկարարների օգնությունը:

Դեպքի վայր է մեկնել փրկարարական ուժերի վարչության հատուկ փրկարական ջոկատի հերթապահ խումբը:

Դեռևս  չպարզված համգամանքներում ՛՛Նիսսան՛՛ մակնիշի 20 ՏՍ 663 պետհամարանիշի  ավտոմեքենան բախվել է ծառին:

Մինչ փրկարարների դեպքի վայր հասնելը տեղի ուժերով ավտոմեքենայից դուրս են բերվել երկու, իսկ փրկարարների կողմից` մեկ քաղաքացի: Տուժածները` 1985 թ.  ծնված Աշոտ Մաթեւոսյանը, 1985 թ.  ծնված Անահիտ Բաղդասարյանը և 1982 թ. ծնված Թամարա Աբաջյանը տարբեր աստիճանի մարմնական վնասվածքներով շտապօգնության ավտոմեքենայով տեղափոխվել են Երևան քաղաքի ՛՛Սբ. Գրիգոր Լուսավորիչ՛՛ բժշկական կենտրոն:

Բժիշկների կողմից  Նարինեի առողջական վիճակը գնահատվել է ծանր, Ա.Մարկոսյանի և Թամարայի վիճակը` միջին ծանրության:

…

Նույն օրը՝ժամը 09.24-ին ահազանգ է ստացվել, որ Արարատի մարզի Խաչփառ գյուղում տեղի է ունեցել ավտոպատահար, կա մեկ զոհ. անհրաժեշտ է փրկարարների օգնությունը:

Դեպքի վայր է մեկնել փրկարարական ուժերի վարչության հատուկ փրկարական ջոկատի հերթապահ խումբը:

Դեռևս չպարզված հանգամանքներում Արթուր Սիմոնյանին պատկանող ՛՛ՎԱԶ-2107՛՛ մակնիշի 16 ՍՍ 588 պետհամարանիշի  ավտոմեքենան դուրս է եկել ճանապարհի երթևեկելի մասից և բախվել պատին, ինչի հետևանքով 1981թ.-ին ծնված Ա.Սիմոնյանը  տեղում զոհվել է:

Փրկարարների ուժերով Ա.Սիմոնյանի դին դուրս է բերվել ավտոմեքենայից և հանձնվել Մասիս քաղաքի շտապօգնության բրիգադին:

…

Նույն օրը՝ժամը 21. 02-ին տեղեկատվություն է ստացվել, որ Երևան քաղաքի Լենինգրադյան և Շինարարների փողոցների հատման հատվածում տեղի է ունեցել ավտոպատահար:

Դեռևս չպարզված հանգամանքներում բախվել են ՛՛Տոյոտա՛՛ մակնիշի 25 ՕՕ 110 պետհամարանիշի  և ՛՛Ֆորդ՛՛ մակնիշի (Երևան-Վանաձոր երթուղու տաքսի) 0499 Լ պետհամարանիշի  ավտոմեքենաները, ինչից ՛՛Ֆորդ՛՛ մակնիշի ավտոմեքենան շրջվել է: Երթուղային տաքսու 8 ուղևոր՝ տարբեր աստիճանի մարմնական վնասվածքներով, տեղափոխվել են Երևան քաղաքի ՛՛Արմենիա՛՛ բժշկական կենտրոն:

Տուժածներից 5-ը դուրս են գրվել հիվանդանոցից, իսկ 3-ը` գտնվում են բժիշկների հսկողության տակ, առողջական վիճակը գնահատվում է բավարար: