Քանի Նիկոլը կա, պատերազմը կանգ չի առնելու

● Կարծիք

15.12.2020 ● 13:12

Քանի Նիկոլը կա, պատերազմը կանգ չի առնելու

Անցած երեսուն օրերին ստի կայսրությունը համոզում էր ժողովրդին, թե Նիկոլը կանգնեցրել է պատերազմը, իսկ փողոց դուրս եկած մարդիկ ուզում են, որպեսզի նորից պատերազմ սկսվի։ Այս թեզը չնայած բացարձած կեղծ լինելուն՝ շատերին ստիպում էր իրենց վրդովմունքն արտահայտել լուռ՝ առանց փողոց դուրս գալու, քանի որ մարդիկ արդարացիորեն չեն ուզում պատերազմ։ Ոչ ոք չի ուզում։

Վերջին օրերի իրադարձությունները հիմնովին ջախջախեցին ստի կայսրության նաև այս թեզը։ Նոյեմբերի 9-ից հետո Նիկոլը մնաց։ Բայց պատերազմը շարունակվեց։ Ընդ որում, նոյեմբերի 9-ից հետո Հայաստանն այլևս չի դիմադրում և հանձնում է հանքեր, հողեր, եկեղեցիներ, կորցնում գյուղեր, ավելացնում գերիների քանակը։ Հիմա միակողմանի պատերազմ է, որովհետև Նիկոլի Հայաստանն ուղղակի հանձնվել է։

Պարզվեց, որ անգամ կապիտուլայցիայից հետո թշնամին կանգ չի առնելու, իսկ Նիկոլը խոնարհաբար շարունակելու է զիջել այն, ինչ իրենից կպահանջեն՝ մարդասպան դիվերսատներից մինչև Հադրութի շրջանի գյուղեր։ Պարզվեց, որ պատերազմը կանգ չի առել, դրա վկայությունն են նախօրեի 6 վիրավորներն ու գերության մեջ հայտնված նոր զինվորները։

Ու ստացվեց այնպես, որ Արցախը տալով, գլխացավը չվերացավ։ Այն ավելանում է։ Որովհետև պարզվեց, որ Ադրբեջանի ուզածը սկսվում է 7 շրջանով, բայց չի ավարտվում։ Ալիևն արդեն հայտարարել է իր հավակնությունների մասին՝ ընդհուպ մինչև Սյունիք, Սևան ու Երևան։

Բաքվի ախորժակը նոր է բացվում, Թուրքիան երանությամբ է հիշում Էնվերին։ Այս մարդիկ էլ ո՞նց ասեն, որ Հայաստանն ու հայերին ընկալում են որպես թշնամի։ Էլ ինչ անեն, որ հասկանաք. նրանց հետ ուզվորություն անելն անհնար է։ Եթե թուլացար, կվերացնեն՝ բառի ամենաբուն իմաստով... Եվ սրան զուգահեռ 5000 զոհի մարմինը չսառած՝ նիկոլականները խոսում են Թուրքիայի և Ադրբեջանի հետ առևտրի, դիվանագիտական հարաբերություններ սկսելու մասին։ Այս մարդիկ իսկապես չեն հասկանում՝ իրենց արածի ու ասածի հետևանքները։

Քանի Նիկոլը կա, պատերազմը կանգ չի առնելու։ Սա է իրականությունը։

Հ.Գ. Այս պատերազմն իր ողջ մարդկային ողբերգությամբ, հայրենազրկմամբ պարունակում է նաև ինքնամաքրման նշմարվող հույս։ Հույս, որ ի վերջո մենք հրաժեշտ կտանք պատրանքներին։ Այն պատրանքներին, որոնք ինքներս էինք ստեղծել, որոնք մեզ հրամցրել էին։ Ու վերջապես կհասկանանք՝ ով ենք մենք, որտեղ ենք ապրում, ովքեր են մեր թշնամիներն ու բարեկամները։ Ու պատրանքների փոխարեն կձևավորենք մեծ երազանք՝ առողջ, ազնիվ և հաղթական, որի հետևից բոլորով կգնանք։

Միքայել Մինասյանի ֆեյսբուքյան էջից

● Այս խորագրի վերջին նյութերը

Կարմիր կետագծերի համար մոտ 500 մլն դրամ տուգանվել են մեր հայրենակիցները

25.11.2024 ● 11:12

Մոտ 1,5 մլրդ էլ վճարել են կարմիր կետագծերի համար։ Բայց իրականում ոչ մի բեռնաթափում էլ տեղի չի ունեցել։

«Մայր Հայաստան»-ն առաջարկում է ուղեվարձի հետևյալ փաթեթները

25.11.2024 ● 10:33

Երևանում տրանսպորտի ուղեվարձը չպե՛տք է գերազանցի 100 դրամը, իսկ եթե քաղաքացին տրանսպորտից օգտվում է օրական 4 անգամից ավելի, ապա՝ 100 դրամից էլ ավելի էժան։

Գործող թյուրիմացությունն Արցախը սպանել է, բանակը սպանել է, խորհրդանիշները սպանել է, պատմությունը սպանում է

23.11.2024 ● 11:21

Նման է այն տղային, ով ծնողներին սպանել է և դատավարության ժամանակ խնդրում է իրեն մեղմ դատեն, որովհետև որբ տղա է։

Հայկական ամոթ. պետության ղեկին Նիկոլի պես ղեկավար ունենալը տիեզերական մասշտաբի խայտառակություն է․ Անդրանիկ Թևանյան

23.11.2024 ● 11:15

Նա կհեռացվի, բայց խայտառակության կնիքը դեռ երկար կմնա մեր երկրի ու հայ ժողովրդի վրա։

Երևանցիները միանում են տրանսպորտի թանկացման դեմ ստորագրահավաքին

23.11.2024 ● 08:52

Ստորացուցիչ այս տրանսպորտը արդեն 3 անգամ թանկ է լինելու, տրոլեյբուսը` 6 անգամ թանկ, բայց տոնական լույսերի վրա գումար չի խնայվում։

Սա տգիտությունից բացի նաև ստորություն է. Լևոն Քոչարյանը՝ Փաշինյանի հայտարարության մասին

23.11.2024 ● 07:27

1.5 միլիոն հայեր ցեղասպանվել են ու շատերն էլ աքսորվել իրենց տներից, քաղաքներից՝ այնտեղ թողնելով ամեն ինչ՝ ներառյալ մշակութային ժառանգությունը:

Ահա այսպիսի տրանսպորտն են ուզում թանկացնել (տեսանյութ)

Կարմիր կետագծերի համար մոտ 500 մլն դրամ տուգանվել են մեր հայրենակիցները

«Մայր Հայաստան»-ն առաջարկում է ուղեվարձի հետևյալ փաթեթները

● Կարծիք