Լրագրողների հետ հանդիպման ժամանակ «Խոսքի ազատության պաշտպանության կոմիտեի նախագահ» Աշոտ Մելիքյանը, շնորհավորելով մամուլի  ազատության միջազգային օրը, ասել է, թե ցանկանում է, որ Հայաստանի ԶԼՄ–ն ու լրագրողներն աշխատեն ավելի բարենպաստ պայմաններում և խոսքի ազատության ավելի բարձր մակարդակում:

Անդրադառնալով Հայաստանում մամուլի  ազատությանը՝ նա ասել է, որ այստեղ ԶԼՄ–ն գտնվում է կիսաազատից ոչ ազատ անցնելու վտանգավոր եզրագծում։

–«Freedom house»–ը Հայաստանը դասում է ոչ ազատ  լրատվամիջոցներ ունեցող երկրների կարգին։ Բավական շատ են անելիքները, և թեպետև  տոն է այսօր, բայց, այնուամենայնիվ, արժե խնդիրներից խոսել։ Հետխորհրդային ժամանակաշրջանում ԶԼՄ–ի ոլորտում գործընթացները և՛ վերելքներ են ապրել, և՛ հետընթաց է եղել։ Ցավոք, վերջին տարիներին մենք պետք է արձանագրենք ռեգրեսիվ միտումներ, և մտահոգիչ իրավիճակ է, երբ ԶԼՄ–ի դեմ ակտիվ քայլեր են ձեռնարկում քաղաքական շրջանի  կարկառուն ներկայացուցիչները,–ասել է նա։

7or.am