«Ժողովրդական կուսակցության» նախագահ Տիգրան Կարապետյանն այսօրվա ասուլիսում հայտարարել է, թե իրենք միշտ ասել են, որ պատրաստ են միանալ հայրենասիրական ուժերի հետ։ Նա նշել է, որ «Ժողովրդական կուսակցությունը» մայիսի 10–ին համաժողով անցկացնելու հարցով հայտ է ներկայացրել Կառավարության նիստերի դահլիճ, որտեղ կմիանան հայրենասիրական որոշակի ուժեր, ու կընտրվի քաղխորհուրդ։

Նրա կարծիքով երրորդ ուժն անհրաժեշտություն է։

–Այսօր դաշտում միայն նախագահներին պահելը քաղաքական նայիվություն է,–նշել է «Ժողովրդական կուսակցության» ղեկավարը։

–Մենք մի շեֆ ունենք՝ ժողովուրդը, որը, սակայն, կարող է հիսաթափվել բոլորից, քանի որ իր վերջին կոպեկները ծախսելով ու հանրահավաքներ գալով, ինչու չէ, ինչ-որ ակնկալիքներ ունենալով, խոր հիասթափություն է ապրում–ասել է Տ. Կարապետյանը՝ հավելելով,–դուրս է գալիս՝ Լևոն Տեր–Պետրոսյանը վճռական քայլ ցանկացող ցուցարարներին, որոնք ուզում էին նստացույց անել,  համոզում է, որ պետք չէ. մյուս անգամ կնստեն։

7or.am