Լիտվայի նախագահ Դալյա Գրիբաուսկայտեն այսօր այցելելու է Ադրբեջան, այնուհետև Հայաստան ու Վրատան։ Այս մասին հայտնում է Լիտվայի նախագահի մամլո ծառայությունը։

Գրիբաուսկայտեն կժամանի Հարավային Կովկասի երկրներ որպես ԵԱՀԿ նախագահող երկրի ղեկավար։ Այցի օրակարգում են Հայաստանի, Վրաստանի և Ադրբեջանի նախագահներ Սերժ Սարգսյանի, Միխայիլ Սահակաշվիլիի և Իլհամ Ալիևի հետ հանդիպումները։

«Հակամարտության միայն խաղաղ կարգավորումը, որին կարելի է հասնել կառուցողական բանակցությունների արդյունքում (երբ երկու կողմերը դրսևորում են քաղաքական կամք և ամուր վճռականություն՝ գտնելու փոխադարձ ընդունելի լուծում ստեղծված իրավիճակից),  կարող է ապահովել երկարաժամկետ կայունություն և խաղաղություն»,–ասվում է նախագահ Գրիբաուսկայտեի մամլո հաղորդագրության մեջ։

Հարավային Կովկասի երկրների ղեկավարների հետ հանդիպման ընթացքում կքննարկվեն նաև երկկողմանի հարաբերությունները, տնտեսական, մշակութային համագործակցությունը, ինչպես նաև Եվրամիության հետ համագործակցության նախագծերը։