2020 թ. հոկտեմբերին հանրապետությունում գրանցված գործարքների քանակը՝ 2020 թ. սեպտեմբերի համեմատ, նվազել է 32.5 %-ով, իսկ 2019 թ. հոկտեմբերի համեմատ՝ 32.9 %-ով:

«Երևանում հոկտեմբերին գրանցված գործարքների քանակը՝ սեպտեմբերի համեմատ, նվազել է 14.4 %-ով, իսկ 2019 թ. հոկտեմբերի համեմատ՝ 15.4 %-ով: Մարզերի քաղաքային բնակավայրերում հոկտեմբերին գրանցված գործարքների քանակը՝ այս տարվա սեպտեմբերի համեմատ, նվազել է 31.6 %-ով, նախորդ տարվա հոկտեմբերի համեմատ՝ 36.9 %-ով: Իսկ գյուղական բնակավայրերում գրանցված գործարքների քանակը վերջին մեկ ամսվա կտրվածքով՝ հոկտեմբերին՝ սեպտեմբերի համեմատ, նվազել է 45.4 %-ով, 2019 թ. հոկտեմբերի համեմատ՝ 43.2 %-ով»,-ասվում է վերլուծությունում:

Հանրապետությունում 2020 թ. հոկտեմբերին ընդհանուր գործարքների առավել բարձր տոկոսաչափը՝ 40.7%, գրանցվել է օտարման գործարքների նկատմամբ: Թվային արտահայտությամբ՝ հոկտեմբերին օտարվել է 5013 անշարժ գույք: Գրավադրման գործարքները կազմում են 16.1% կամ 1987 գույք, իսկ վարձակալության գործարքները՝ 5.3% կամ 655: