Այսօր լրագրողների հետ հանդիպում են ունեցել Կովկասյան ինստիտուտի փոխտնօրեն, քաղաքագետ Սերգեյ Մինասյանը և ռազմական փորձագետ Դավիթ Ջամալյանը։

Դ. Ջամալյանը նշել է, որ ղարաբաղա–ադրբեջանական շփման գծում հրադադարի կարգի խախտման դեպքերի աճը չի կարելի համարել հայկական կողմի բացթողում, քանի որ մեր պատասխանը միշտ էլ համարժեք է եղել։ Նա այն համոզմանն է, որ Ադրբեջանը պատրաստվում է պատերազմի։

–Ադրբեջանում լարվածությունն աճում է, և ալիևյան կլանը գնում է նման քայլերի, որպեսզի առաջին գծի լարվածությամբ հիմնավորի իր բռնապետությունն ու կոնսոլիդացնի իր շուրջը մեծ թվով մարդկանց,–նկատել է փորձագետը։

Ջամալյանի խոսքերով՝ Արցախի բանակում համարժեք պատասխանի անխուսափելիության սկզբունք կա, որի վառ ապացույցը ադրբեջանական կողմի վերջին արկածախնդրության ու մեր կողմի հակազդման հետևանքով զոհված 3 ադրբեջանցիներն են։ Նա հավելել է, որ ընթացիկ տարվա կտրվածքով ադրբեջանցիները մոտ 50 զոհ են տվել։

7or.am