Հարցին, թե  ինչո՞ւ հենց հիմա իշխանությունները  որոշեցին բացահայտել  մարտի 1–ի իրադարձությունները, Վարդան Բոստանջյանը պատասխանել է, թե նախ՝ միջազգային ճնշում կա, բացի դա՝ ՀՀ նախագահն անձամբ է շահագրգռված։

«Նոր ժամանակներ» կուսակցության  նախագահ Արամ Կարապետյանն էլ ասել է, թե մոտենում են ընտրությունները,  և մարտի 1-ը կարող է լուրջ  քննարկման թեմա դառնալ։

–Մոտենում են ընտրությունները, և եթե ուժերը, այսպես ասեմ՝ չօգտագործեն երկխոսություն բառը, փորձում են իրար հետ իմի գալ, ապա այդ պարագայում կարևորագույն հարցը մնում է զոհվածների խնդիրը, որովհետև իսկապես դուրս է գալիս, որ բարձրացան, մարդիկ զոհվեցին, հետո իրար հետ պայմանավորվեցին (եթե ինչ–որ  բան կա), բա այդ զոհե՞րը։ Ինձ մոտ տպավորություն  կա, որ  թե՛ իշխանական, թե՛ ընդդիմադիր հատվածը, որը  ընդգրկված է ՀԱԿ–ի մեջ, փնտրում են այն գլխավոր  դեմքին, որը պիտի դառնա  քավության նոխազ։ Ո՞վ է լինելու այդ դեմքը։ Շատ դեպքերում ներկայացվում է, թե  բոլոր որոշումները, որոնք կայացվել են, կայացվել  են առանց Սերժ  Սարգսյանի իմացության։ Այդպես է ասվում, բայց ժամանակը ցույց  կտա,–ասել  է նա։

Հարցին, թե ո՞ւմ նկատի ունի ինքը, ո՞վ է դառնալու քավության նոխազ, Արամ Կարապետյանը պատասխանել է, թե ամեն ինչ թեքվում է Ռոբերտ Քոչարյանի կողմը, քանի որ ինքն է եղել  այն ժամանակվա ՀՀ գերագույն հրամանատարը։

7or.am