Ապրիլի 23-ին՝ժամը 17.03-ին, ահազանգ է ստացվել, որ Երևան-Սևան ավտոմայրուղու 34-րդ կմ-ում տեղի է ունեցել ավտոպատահար, անհրաժեշտ է փրկարարների օգնությունը:

Դեպքի վայր է մեկնել  մեկ մարտական հաշվարկ:

Դեռևս չպարզված հանգամանքներում ՛՛ԲՄՎ՛՛ մակնիշի 15 ՕՕ 984 պետհամարանիշի ավտոմեքենան դուրս է եկել ճանապարհի երթևեկելի մասից, բախվել հողաթմբին և շրջվել, ինչի հետևանքով ուղևորներ, Երևան քաղաքի բնակիչներ`1985թ.-ին ծնված Արման Հովսեփյանը և1986թ.-ին ծնված Թագուհի Թեգնեյանը  ստացել են տարբեր աստիճանի մարմնական վնասվածքներ:

Մինչ փրկարարների կանչի վայր հասնելը տեղի ուժերով տուժածները դուրս են բերվել ավտոմեքենայից և տեղափոխվել Չարենցավան քաղաքի հիվանդանոց:

Արման Հովսեփյանը հիվանդանոցում մահացել է, իսկ Թագուհի Թեգնեյանը տեղափոխվել է Երևան քաղաքի ՛՛Էրեբունի՛՛ բժշկական կենտրոն:

…

Ապրիլի 23-ին՝ ժամը 21.57-ին, ահազանգ է ստացվել, որ Գեղարքունիքի մարզի Գավառ քաղաքի Ազատության փողոցի թիվ 12 շենքի հարակից տարածքում տեղի է ունեցել ավտովթար և հրդեհի բռնկում:

Դեպքի վայր է մեկնել մեկ մարտական հաշվարկ:

Դեռևս չպարզված հանգամանքներում բախվել են Խաչիկ Դադոյանին պատկանող ՛՛ՎԱԶ-2107՛՛ մակնիշի Տ 0975 պետհամարանիշի և Զորիկ Գրիգորյանին պատկանող ՛՛ՎԱԶ-2106՛՛ մակնիշի 31 ԼՍ 799 պետհամարանիշի ավտոմեքենաները, ինչի հետևանքով տեղի է ունեցել հրդեհի բռնկում:

Վթարի հետևանքով վարորդները ստացել են ոտքերի ջարդվածքներ: Տուժածները  տեղափոխվել են Գավառ քաղաքի հիվանդանոց:

Հրդեհը մեկուսացվել է ժամը 22.13-ին, մարվել`22.20-ին:

ՎԱԶ-2107՛՛ մակնիշի ավտոմեքենան այրվել է ամբողջությամբ, իսկ ՛՛ՎԱԶ-2106՛՛ մակնիշի ավտոմեքենայում այրվել է առջևի հատվածը և սրահը` մասամբ:

Խ.Դադոյանի առողջական վիճակը ծանր է, իսկ Զ.Գրիգորյանինը` բավարար:

…

Ապրիլի 24-ին՝ժամը 01.23-ին ,ահազանգ է ստացվել, որ Ստեփանավան-Վանաձոր ավտոճանապարհին` Պուշկինի լեռնանցքի հարակից տարածքում այրվում է ավտոմեքենա:

Դեպքի վայր է մեկնել մեկ մարտական հաշվարկ: Կանչի վայրում այրվող ավտոմեքենա չի հայտնաբերվել:

Տեղեկատվություն է ստացվել, որ այրված ավտոմեքենան հայտնաբերվել է Ստեփանավան-Տաշիր ավտոճանապարհի 4-րդ կմ-ում:

Տեղում պարզվել է, որ ճանապարհից դուրս` 6-7 մ հեռավորության վրա, հայտնաբերվել է ամբողջությամբ այրված ՛՛ՎԱԶ-2107՛՛ մակնիշի 8125 Տ պետհամարանիշի ավտոմեքենա, որում գտնվել է այրված դի:

Հրշեջ-փրկարարների կողմից կատարվել են հովացման աշխատանքներ:

Դեպքով զբաղվում են են ոստիկանության օպերատիվ խմբերը:

…

Նույն օրը՝ժամը 09.02-ին, ահազանգ է ստացվել, որ Երևան քաղաքի Կորյունի և Աբովյան փողոցների խաչմերուկում տեղի է ունեցել ավտովթար:

Դեպքի վայր են մեկնել  ճգնաժամային կառավարման կենտրոնի պարամեդիկ-փրկարարները:

Դեռևս չպարզված հանգամանքներում բախվել են ՛՛Միցուբիշի Պաջերո՛՛ մակնիշի 50 ՕՕ 257 պետհամարանիշի (վարորդ՝ Վ.Մելքոնյան, ծնվ. 1960թ.) և ՛՛Էրո+՛՛ տաքսի ծառայության ՛՛ՎԱԶ-2107՛՛ մակնիշի Տ 7398 պետհամարանիշի  ավտոմեքենաները, ինչի հետևանքով Վ.Մելքոնյանը և տաքսու ուղևոր,1981թ.-ին ծնված Հ.Վարդանյանը  տեղափոխվել  են Երևան քաղաքի Մ.Հերացու անվան թիվ 1 համալսարանական կլինիկա, որտեղ ստա­նա­լով առաջին բուժօգնություն` դուրս են գրվել:

…

Նույն օրը՝ժամը 16.23-ին, տեղեկատվություն է ստացվել, որ Երևան քաղաքի Գ.Չաուշի և Մելքումովի փողոցների խաչմերուկում տեղի է ունե­ցել ավտոպատահար  և ան­հրա­ժեշտ է հրշեջ-փրկարարների օգնությունը:

Դեպքի վայր է մեկնել մեկ մարտական հաշվարկ: Հրշեջ-փրկարարների կողմից իրականացվել է տարածքի մաքրում` վառելիքա­քսու­կային նյութերից:

Դեռևս չպարզված հանգամանքներում բախվել են ՛՛Մերսեդես C 180՛՛ մակ­նիշի 10 ԼԼ 310 պետհամարանիշի և ՛՛Մեր­սեդես G՛՛ մակնիշի առանց պետհամարանիշի (վարորդ Գ.Մելիքյան, ծնվ. 1989թ.) ավտոմեքենաները, ինչի հե­տևան­քով ՛՛Մերսեդես G՛՛ մակնիշի ավտոմեքենան շրջվել է:

՛՛Մերսեդես C 180՛՛ մակ­նիշի ավտոմեքենայի վարորդ ,1970թ.-ին ծնված Ալվարդ Թամիրյանը և ուղևոր,1961թ.-ին ծնված Արփիկ Թամիրյանը տարբեր աստիճանի մարմնական վնասվածք­նե­րով տեղափոխվել  են ՛՛Արմենիա՛՛ բժշկական կենտրոն, որտեղ Ալվարդ Թամիրյանը մահացել է, իսկ Ար­փիկ Թամիրյանի առողջական վիճակը գնահատվել է միջին ծանրության:

…

Ապրիլի 25-ին՝ ժամը  07.25-ին, ահազանգ է ստացվել, որ Երևան քաղաքի Ծովակալ Իսակովի պողոտայում`  տեղի է ունեցել ավտոպատահար  և ան­հրա­ժեշտ է հրշեջ-փրկարարների օգնությունը:

Դեպքի վայր է մեկնել փրկարական ուժերի վարչության հատուկ փրկարական ջոկատի հերթապահ խումբը:

Դեռևս չպարզված հանգամանքներում ՛՛ԲՄՎ՛՛ մակ­նիշի 03 ՏՕ 029 պետհամարանիշի  ավտոմեքենան բախվել է ճամփեզրի սյանը:

Փրկարարների ուժերով վարորդը (մոտ 45 տարեկան, ինքնությունը չի պարզվել) դուրս է բերվել և շտապօգնության աշխատակիցների կողմից տեղափոխվել՛՛Էրեբունի՛՛ բժշկական կենտրոն:

Տուժածի առողջական վիճակը  գնահատվել է ծանր:

…

Նույն օրը ՝ժամը 22.09-ին, ահազանգ է ստացվել, որ Երևան քաղաքի Քոչինյան փողոցի թիվ 1 շենքի հարակից տարածքում ավտոմեքենայի գազի բալոնը պայթել է և ավտոմեքենայից վարորդի դին դուրս բերելու համար անհրաժեշտ է փրկարար­ների օգնությունը:

Դեպքի վայր են մեկնել փրկարական ուժերի վարչության հատուկ փրկարական ջոկատի հերթապահ խումբը, ճգնաժամային կառավարման կենտրոնի պարամեդիկ-փրկարարները::

Դեռևս չպարզված հանգամանքներում ՛՛ՎԱԶ-2106՛՛ մակնիշի 02 ՍՏ 993 պետհամարանիշի ավտոմեքենայի գազի բալոնը պայթել է, ինչի հետևանքով վարորդ, Երևան քաղաքի Ջրվեժ բա­նավանի 5-րդ շենքի թիվ 38 բնակարանի բնակիչ,1959թ.-ին ծնված Հովսեփ Նազարյանը  տեղում մահացել է:

Պայթյունի հետևանքով վնասվել են մոտակայքում կայանած ՛՛Օպել Վեկտրա՛՛ մակնիշի 09ՏՕ811 պետհամարանիշի  ավտոմեքենան և հարևանությամբ գտնվող շինանյութի խանութի ապակիները:

Փրկարարների կողմից ավտոմեքենայից դուրս է բերվել Հ. Նազարյանի դին և հանձնվել ոստիկանության աշխատակիցներին: