Մոսկվայի «Պրեզիդենտ» հյուրանոցում կլոր սեղանի ձևաչափով ապրիլի 26–28–ը տեղի կունենա խորհրդաժողով «Ռուսաստան–Վրաստան 2020. ի՞նչ է լինելու վաղը» խորագրի ներքո։

Ինչպես «Trend»–ին տեղեկացրել են «Վրաստանի ժողովուրդների վեհաժողովում», որի ղեկավարը ռուսաստանցի միլիոնատեր Ալեքսանդր Էբրալիձեն է, միջոցառումը կանցկացվի վեհաժողովի նախաձեռնությամբ Ռուսաստանի հանրային պալատի և Հանրային նախագծման ինստիտուտի հետ համատեղ։

Խորհրդաժողովին կմասնակցեն վրացի և ռուս քաղաքական հայտնի գործիչներ, իշխանության և հասարակության  ներկայացուցիչներ, քաղաքագետներ և լրագրողներ։

Նախատեսվում է մի շարք կարևորագույն հարցերի քննարկում, այդ թվում՝ «Մոտակա տասը տարիների մոդելավորված սցենար. կովկասյան քաղաքականությունը որպես միասնական նախագիծ կամ պառակտում», «Մեր տեղն աշխարհում. Վրաստան–Ռուսաստան, ո՞ր քաղաքակրթությանն ենք պատկանում» և այլ թեմաներ։