Ինչպես հաղորդում է «BBC»–ն, այս տարվա ապրիլին տարբեր կազմակերպությունների կողմից անցկացված սոցիոլոգիական հարցումները ցույց են տվել, որ ՌԴ–ում հասարակության վստահությունը նախագահ Դմիտրի Մեդվեդևի և վարչապետ Վլադիմիր Պուտինի նկատմամբ ընկել է։

Հարցվածներից յուրաքանչյուր 4–րդն ասել է, թե 2012թ.   նախագահի պաշտոնում չի ցանկանում տեսնել ո՛չ Մեդվեդևին, ո՛չ Պուտինին, իսկ յուրաքանչյուր 5–րդն ասել է, թե պատրաստ է   դուրս գալ բողոքի ցույցի։

Ապրիլի 16–17–ին «Հասարակական կարծիք» հիմնադրամի  անցկացրած  հերթական հարցման արդյունքները  ցույց են տվել, որ երկրում Դմիտրի Մեդվեդևին վստահող մարդկանց թիվը փոքրացել է և  հասել 46%–ի։ 2008թ. սկսած՝ սա վստահության ամենացածր մակարդակն է։ Դեռևս 2010թ. հոկտեմբերին նրա նկատմամբ վստահություն էր հայտնել հարցվածների 57%–ը։

Միևնույն ժամանակ նրան անվստահության հայտնողների թիվը 13%–ից հասել է 20%–ի։