Արցախի նախագահ Բակո Սահակյանը ապրիլի 21-ին այցելել է Ասկերանի շրջան:

Նա հանդիպումներ է ունեցել Ուղտասար, Նախիջևանիկ, Վարդաձոր և Սառնաղբյուր համայնքների ներկայացուցիչների հետ և քննարկել առկա հիմնախնդիրները:

Այնուհետև Բակո Սահակյանը Ասկերան շրջկենտրոնում ծանոթացել է իրականացվող ծրագրերի ընթացքին և ընդլայնված խորհրդակցություն անցկացրել շրջանի գյուղապետերի, ձեռնարկությունների ղեկավարների, գործարարների և հասարակական կազմակերպությունների ներկայացուցիչների մասնակցությամբ:

Խորհրդակցության ընթացքում քննարկվել է շրջանի սոցիալ-տնտեսական զարգացման հետ կապված հարցերի լայն շրջանակ:

Սահակյանը նշել է, որ զարգացման համար Ասկերանի շրջանն ունի լուրջ ներուժ, և շոշափելի առաջընթաց գրանցելու համար պետք է այն ադյունավետորեն օգտագործել:

Երկրի ղեկավարը կարևորել է նման ձևաչափով խորհրդակցությունների անցկացումը, ինչը հնարավորություն է տալիս իրավիճակը, առկա խնդիրներն ու դրանց լուծման ուղիները դիտարկել տարբեր տեսանկյուններից:

Արցախի նախագահի մամուլի գրասենյակ