Ապրիլի 18-ին ոստիկանության Կենտրոնականի բաժնում հաղորդում է ստացվել, որ ժամը 08.30-ին «ՎԱԶ-21074» մակնիշի ավտոմեքենան Մյասնիկյան պողոտայի թիվ 2 շենքի մոտ բախվել է էլեկտրասյանը, այնուհետև, ժամը 08.45-ին, նույն վայրում նշված ավտոմեքենային է բախվել  «Մերսեդես-Բենց» մակնիշի ավտոմեքենա, ինչի հետևանքով «ՎԱԶ-21074»-ի վարորդը վնասվածքներով տեղափոխվել է հիվանդանոց:

* * *

Ապրիլի 18-ին ոստիկանության Նոր Նորքի բաժնում հաղորդում է ստացվել, որ ժամը 09.30-ին «ՎԱԶ-2106» մակնիշի ավտոմեքենան բախվել է Աճառյան փողոցի թիվ 83 էլեկտրասյանը, ինչի հետևանքով 2 ուղևորներ վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն:Կատարվում է քննություն:

* * *

Ապրիլի 18-ին ոստիկանության Վանաձորի բաժնում հաղորդում է ստացվել, որ ժամը 21.40-ի սահմաններում «Ֆոլքսվագեն-Տուարեգ» մակնիշի ավտոմեքենան Վանաձոր քաղաքի Տիգրան Մեծի պողոտայի թիվ 81 շենքի մոտ բախվել է «ՎԱԶ-2107» մակնիշի ավտոմեքենայի, որն էլ՝ նույն վայրում կայանված «Նիսսան Սանի» մակնիշի երկու ավտոմեքենաների, ապա` «Սամանդ» և «Նիսսան Ինֆինիտի» մակնիշի ավտոմեքենաների, ինչի հետևանքով «ՎԱԶ-2107»-ի վարորդը վնասվածքներով տեղափոխվել է հիվանդանոց:Կատարվում է քննություն:

* * *

Ապրիլի 18-ին ոստիկանության Սիսիանի բաժնում հաղորդում է ստացվել, որ ժամը 16.00-ի սահմաններում «Տոյոտա Հիլուքս Սուրֆ» մակնիշի ավտոմեքենան բախվել է Մյասնիկյան փողոցի տներից մեկի աստիճանավանդակին, ինչի հետևանքով վարորդը վնասվածքներով տեղափոխվել հիվանդանոց: Կատարվում է քննություն: