Արցախյան պատերազմի աշխարհաքաղաքական ֆոնը․ ռուս–թուրքական անուղղակի բախում

● Կարծիք

28.09.2020 ● 10:21

Արցախյան պատերազմի աշխարհաքաղաքական ֆոնը․ ռուս–թուրքական անուղղակի բախում

Մոսկվան «Կովկաս–2020» զորավարժություններ անցկացրեց, որպեսզի կանխի հայ–ադրբեջանաթուրքական պատերազմը, իսկ Անկարան զորավարժություններ իրականացրեց Բաքվի հետ, որպեսզի սկսի պատերազմը։

Պատերազմը սկսվեց։ Այն սկսեց Թուրքիան։ Ու որպեսզի ՌԴ–ի հետ ուղղակի բախման չգնա, սկսեց ոչ թե Հայաստանի տարածքի վրա հարձակվելով (այդ դեպքում կստացվեր, որ ՀԱՊԿ–ի վրա է հարձակումը, ինչը կնշանակեր ուղղակի պատերազմ հայտարարել Ռուսաստանին), այլ Արցախի, որը ՀԱՊԿ–ի մեջ չի մտնում։

Դա նշանակում է, որ Թուրքիան հայտ է ներկայացնում Հարավային Կովկասում առնվազն փայատեր դառնալու և հետագայում Ռուսաստանին մեր տարածաշրջանից դուրս մղելու։

Ռուս–թուրքական մրցակցությունը մի քանի հարյուր տարվա պատմություն ունի։ Այժմ այդ մրցակցության նոր ու տաք փուլ ենք թևակոխում։

Սիրիայում և Լիբիայում ռուս–թուրքական ուղղակի մրցակցությունը դրսևորվում է նաև Արցախում, բայց անուղղակի ձևով։ Մենք հիմա Ադրբեջանի անվան տակ թուրքական բանակի դեմ ենք կռվում, ու դատելով ամենից՝ Արցախի ՊԲ–ն կարողանում է դիմակայել աշխարհի ու ՆԱՏՕ–ի լավագույնը համարվող բանակներից մեկին և համարժեք պատասխան տալ։

Արևմուտքը ռուս–թուրքական մրցակցության ժամանակ, բնականաբար, Թուրքիայի կողմն է (ինչպես գրեթե միշտ)։ Կուզենայի ճիշտ ընկալեինք՝ Արևմուտքը ոչ թե Հայաստանի, այլ Ռուսաստանի դեմ է ու, հետևաբար, Թուրքիայի կողմ։

Թե ինչ հաշվարկներ և նպատակներ ունեն Թուրքիան ու նրա պրոքսի ուժ Ադրբեջանը, հայտնի է։ Մեր թշնամիների հաշվարկները կարող ենք խառնել և կխառնենք մենք մեր բանակի շուրջ համախմբվելով ու միասնությամբ։ Ինչպես որ դա արել ենք 90–ականներին։

Ինչ վերաբերում է մեր դաշնակիցներին, ապա դրանց պետք է վաստակել մարտի դաշտում հաջողություններ գրանցելով ու ճիշտ դիվանագիտական քայլերով։

Հանուն արդարության պետք է նկատել, որ մեր դաշնակիցների ու գլխավոր ռազմավարական դաշնակցի հետ հարաբերություններում վերջին տարիներին մենք մեզ շատ սխալ ենք պահել և ամեն ինչ արել մենակ մնալու համար, բայց այդ մասին հետո կխոսենք։

Քաղաքական իշխանության սխալներն ուղղելու ծանրությունը կրկին ընկել է բանակի ու ժողովրդի վրա։ Ուժն է ծնում իրավունք և դաշնակիցներ։

Մենք հաղթանակից բացի այլ տարբերակ չունենք։

Անդրանիկ Թևանյանի ֆեյսբուքյան էջից

● Այս խորագրի վերջին նյութերը

Կարմիր կետագծերի համար մոտ 500 մլն դրամ տուգանվել են մեր հայրենակիցները

25.11.2024 ● 11:12

Մոտ 1,5 մլրդ էլ վճարել են կարմիր կետագծերի համար։ Բայց իրականում ոչ մի բեռնաթափում էլ տեղի չի ունեցել։

«Մայր Հայաստան»-ն առաջարկում է ուղեվարձի հետևյալ փաթեթները

25.11.2024 ● 10:33

Երևանում տրանսպորտի ուղեվարձը չպե՛տք է գերազանցի 100 դրամը, իսկ եթե քաղաքացին տրանսպորտից օգտվում է օրական 4 անգամից ավելի, ապա՝ 100 դրամից էլ ավելի էժան։

Գործող թյուրիմացությունն Արցախը սպանել է, բանակը սպանել է, խորհրդանիշները սպանել է, պատմությունը սպանում է

23.11.2024 ● 11:21

Նման է այն տղային, ով ծնողներին սպանել է և դատավարության ժամանակ խնդրում է իրեն մեղմ դատեն, որովհետև որբ տղա է։

Հայկական ամոթ. պետության ղեկին Նիկոլի պես ղեկավար ունենալը տիեզերական մասշտաբի խայտառակություն է․ Անդրանիկ Թևանյան

23.11.2024 ● 11:15

Նա կհեռացվի, բայց խայտառակության կնիքը դեռ երկար կմնա մեր երկրի ու հայ ժողովրդի վրա։

Երևանցիները միանում են տրանսպորտի թանկացման դեմ ստորագրահավաքին

23.11.2024 ● 08:52

Ստորացուցիչ այս տրանսպորտը արդեն 3 անգամ թանկ է լինելու, տրոլեյբուսը` 6 անգամ թանկ, բայց տոնական լույսերի վրա գումար չի խնայվում։

Սա տգիտությունից բացի նաև ստորություն է. Լևոն Քոչարյանը՝ Փաշինյանի հայտարարության մասին

23.11.2024 ● 07:27

1.5 միլիոն հայեր ցեղասպանվել են ու շատերն էլ աքսորվել իրենց տներից, քաղաքներից՝ այնտեղ թողնելով ամեն ինչ՝ ներառյալ մշակութային ժառանգությունը:

Քանդում են քաղաքացու սեփականությունը․ ահազանգ (տեսանյութ)

Ահա այսպիսի տրանսպորտն են ուզում թանկացնել (տեսանյութ)

Կարմիր կետագծերի համար մոտ 500 մլն դրամ տուգանվել են մեր հայրենակիցները

● Կարծիք