8 ամսվա կտրվածքով ունենք մոտ 49 միլիարդ դրամի պակաս հավաքագրում։ Այս մասին կառավարության նիստից հետո լրագրողների հետ զրույցում հայտարարել է ՊԵԿ նախագահ Էդվարդ Հովհաննիսյանը՝ խոսելով հարկային հավաքագրումների մասին. «9 ամիսների վերաբերյալ կներկայացնենք հաշվետվություն, կանդրադառնանք նաև հավաքագրումներին, ընդհանուր առմամբ, Կառավարության կողմից համավարակի բացասական ազդեցության հետևանքների պայմաններում գնահատված կատարողականների հավաքագրումը գտնվում է վերահսկողության ներքո ու կառավարելի է»,-ասել է նա:

ՊԵԿ-ի պարգևավճարների մասին այնքան է խոսվել, որ այլևս կարիք ու անհրաժեշտություն չեմ տեսնում դրանց անդրադառնալու: Այս մասին կառավարությա նիստից հետո հայտարարել է ՊԵԿ նախագահ Էդվարդ Հովհաննիսյանը:

«ՊԵԿ-ի պարգևավճարները շատ համահունչ են ու շատ ճիշտ են գնահատված»,-ասել է նա:

Եթե պարգևավճարները չլինեն, նորմալ չեն աշխատի՞: Հովհաննիսյանը նշել է, որ միայն աշխատավարձը բավարար չէ ՊԵԿ-ի աշխատակիցների արդյունավետ աշխատանքը կազմակերպելու համար: