Ֆրանսիայի կառավարությունն ու նախագահ Նիկոլա Սարկոզին դեմ են հանդես գալիս Հայոց ցեղասպանության ժխտման համար քրեական պատասխանատվություն սահմանող օրինագծի ընդունմանը։ Today's Zaman–ի փոխանցմամբ՝ այդ մասին ասված է Ֆրանսիայի ԱԳՆ հայտարարության մեջ։ Դրանում նշվում է, որ օրինագծի ընդունումը չի հանդիսանում անհրաժեշտություն։ Որպես որոշման հիմնավորումներից բերվում է այն փաստարկը, թե Ֆրանսիան դեռևս 2001թ. ճանաչել է Հայոց ցեղասպանությունը, և որ ֆրանսիական օրենքներով արգելվում է ազգային հողի վրա բռնությունը, ատելությունն ու արժանապատվության ոտնահարումը։ Հայտարարության մեջ նաև ընդգծված է, թե Ֆրանսիան ողջունում է Հայաստանի և Թուրքիայի հասարակությունների միջև երկխոսության բարելավմանն ուղղված բոլոր նախաձեռնությունները, քանի որ խաղաղ երկխոսությունը կարող է օգնել առավել ճիշտ հասկանալ, թե ինչ է տեղի ուեցել՝ թուլացնելով առկա լարվածությունը։

Հիշեցնենք, որ Ֆրանսիայի ընդդիմադիր Սոցիալիստական կուսակցությունը մտադիր է մինչև 2012թ. կայանալիք նախագահական ընտրությունները, քվեարկության դնել Հայոց ցեղասպանության ժխտման համար քրեական պատասխանատվություն սահմանող օրինագծը։