Կորոնավիրուսով վարակման և հիվանդության ծանր ընթացքի պարագայում մահվան ելքով դեպքեր տղամարդկանց մոտ մեկուկես անգամ ավելի հաճախ են գրանցվում, քան կանանց:

Ինչպես փոխանցում է ТАСС գործակալությունը, այս մասին հայտարարել է բժշկական գիտությունների դոկտոր, վարակաբան, ՌԴ բժշկական ակադեմիայի վիրուսաբանության բաժնի ղեկավար Ելենա Մալիննիկովան: «Ողջ ախարհով մեկ բացահայտվում է, որ տղամարդիկ մեկուկես անգամ ավելի հաճախ են մահվան ելք ունենում, քան կանայք: Պատճառը տեստոստերոնն է, որը վիրուսի՝ բջջում հայտնվելու որոշակի ուղեցույց է դառնում»,-ասել է բժիշկը:

ՌԴ Գիտությունների ակադեմիայի Լուի Պաստերի անվան միկրոկենսաբանության և համաճարակաբանության սանկտպետերբուրգյան գիտահետազոտական կենտրոնի ակադեմիկոս Արեգ Թոթոլյանի կարծիքով՝ կորոնավիրուսի հարձակումների նկատմամբ խոցելիությունը պայմանավորված է նաև ընկալիչների քանակից, որոնց միջով վիրուսը ներթափանցում է մարդու էպիթելային հյուսվածքի բջիջ: «Նախ, տարիքի հետ այդ ընկալիչների թիվն ավելանում է, երկրորդ, ծխողների մոտ լրջորեն ավելի մեծ է այդ ընկալիչների թիվը»,-մեկնաբանել է մասնագետը: